Pe sítio jw.org ideprovécho ñahekomboʼe hag̃ua ñane famíliape
1. ¿Maʼerãpa ojeprepara pe párte heʼíva “Niños” oĩva ñande sítio jw.org-pe?
1 Ñande sítio jw.org ojeprepara opavavépe g̃uarã. Por ehémplo, pe párte heʼíva “Niños” (eike heʼihápe Enseñanzas bíblicas > Niños), oipytyvõ tuvakuérape oiko porãve hag̃ua ifamíliandi ha oñemoag̃uive hag̃ua hikuái Jehováre (Deut. 6:6, 7). ¿Mbaʼéichapa ikatu reiporu ko párte remboʼe hag̃ua nde raʼy térã nde rajýpe?
2. ¿Mbaʼéichapa ikatu jaiporavo porã umi mbaʼe jastudiátava umi mitãndi?
2 Jahechákena mbaʼépa oipytyvõvéta chupekuéra. Enterove mitã ningo idiferénte ojuehegui, upévare ñañehaʼã vaʼerã jaiporavo porã umi mbaʼe jastudiátava hendivekuéra (1 Cor. 13:11). Upearã jahecha vaʼerã mboy áñopa oreko, mbaʼépa ogusta chupekuéra, mbaʼe mbaʼépa ikatu ontende ha mboy tiémpopa ikatu oñatende porã. Por ehémplo, pe párte hérava “Mis primeras lecciones de la Biblia” ideprovechoiterei umi mitã orekóvape tres áño térã saʼive. Ha umi istória oĩva pe párte heʼihápe “De padres a hijos” katu igústo ha heta mbaʼe porã ñanemboʼe. Jahechamína ambue mbaʼe orekóva ñande sítio jw.org.
3. ¿Mbaʼéichapa tuvakuéra ikatu oiporu pe párte hérava “Ideas para la adoración en familia”?
3 Umi mbaʼe ikatúva jaiporu jastudia hag̃ua ñande rogayguándi. Ñande sítiope jajuhúta peteĩ párte heʼíva “Ideas para la adoración en familia” ñanepytyvõtava upearã. Ha reiporu porãve hag̃ua umi istória ha informasión oĩva ko pártepe, ikatu remboguejy pe “Guía para los padres” (eike heʼihápe “Enseñanzas Bíblicas” > “Niños” > “Ideas para la adoración en familia” ha ejapo clik heʼihápe “Descargar”). Umi mitã michĩvévandi iporãta reiporúramo umi divúho ojepreparáva oñepinta hag̃ua, ha umi tuichavévape reipytyvõkuaa ojapo hag̃ua umi “Proyecto de investigación”. Umi tembiapo orekóva pe “Guía para los padres” oñeʼẽ peteĩ istóriare térã peteĩ mbaʼe la Biblia omboʼévare, péicha ojeprepara rupi enterovéva ikatu opartisipa pe aty aja.
4. ¿Mbaʼépa oreko avei ñande sítio jw.org ikatúva tuvakuéra oiporu oipytyvõ hag̃ua ifamília michĩvévape?
4 Eikókena Jehová amígoramo. Umi vidéo, purahéi ha tembiapo oĩva ñande sítiope ojeprepara tuvakuéra oipytyvõ hag̃ua ifamília michĩvape ohayhu hag̃ua Jehovápe (Deut. 31:12). Umi divuhíto omboʼe heta mbaʼe iñimportánteva mitãnguérape, umi huégo katu oipytyvõ chupekuéra imanduʼa jey hag̃ua umívare. Umi mitã ningo opuraheise, upéicha rupi oñemoĩ jepi avei ñande sítiope kántiko ha músika mitãme g̃uarã. Koʼã mbaʼe oipytyvõ chupekuéra imanduʼa porãve hag̃ua umi mbaʼe oaprendévare.
5. ¿Mbaʼérepa tuvakuéra ojerure vaʼerã Jehovápe toipytyvõ chupekuéra omongakuaa porã hag̃ua ifamília?
5 Tuvakuéra, Jehová ningo oipota osẽ porã peẽme pene família ha pemboʼe chupekuéra Iñeʼẽ. Upévare pejerurékena Chupe tapenepytyvõ (Juec. 13:8). Pejapóramo upéicha, peipytyvõta pene famíliape ikatu hag̃uáicha ‘iñarandu ojesalva hag̃ua ojerovia rupi Cristo Jesús rehe’ (2 Tim. 3:15; Prov. 4:1-4).