¡Jaaprovechákena umi arete ha feriádo japredika hag̃ua!

Heta hénte ningo opytave hógape feriádo ha arete jave, upévare jaaprovecha vaʼerã umi día ñasẽ hag̃ua japredika. Upéicha rupi, iporãta avei umi kongregasión ojapóramo arréglo ojepredika hag̃ua umícha jave. Heta hénte oaprovecha koʼã arete térã feriádo okemieve hag̃ua, upévare iporãta jajapo tardemieve pe aty ñasẽ hag̃ua japredika. Ikatu voi oñemombeʼu pe Aty Ñanemboʼéva Japredika Hag̃uáme mbaʼe óra ha moõguipa oñesẽta, ha ñamokyreʼỹ umi ermánope ojepreparáma hag̃ua. Umícha jave ningo jaaprovecha jepi japytuʼu térã jajapo hag̃ua ambue mbaʼe ñandegustáva, péro ñañehaʼã vaʼerã avei ñasẽ predikasiónpe. Upéicha jajapóramo, javyʼaitereíta jaiporu haguére ñane tiémpo Jehová servísiope (Mat. 11:29, 30).