Jaiporu hag̃ua predikasiónpe

Mbaʼéichapa ikatu ñamoñepyrũ estúdio vívliko primer sábado de marzo

“Rovisita hína koestedía roñemongeta mbykymi hag̃ua nendive peteĩ mbaʼe iñimportántevare, el 14 de abril ojegueromanduʼáta hína Jesús omano hague ára. Ha heta hénte omombaʼeterei Jesús sakrifísio, upévare oñembyaty jepi ogueromanduʼa hag̃ua upe ára. Péro oĩ avei heta opensáva ndaideprovechoiha upe ojapo vaʼekue Jesús. ¿Ndépa mbaʼe repensa?” [Ehaʼarõ tombohovái.] Upéi, ehechauka pe rrevísta Ñemañaha 1 de marzo ha ehesaʼỹijo hendive pe primer porandu oĩva última páhinape, avei elee peteĩ térã mokõi téxto oĩva upépe. Upéi eikuaveʼẽ chupe umi rrevísta ha ere chupe reho jeytaha rehesaʼỹijo hag̃ua hendive pe ótro porandu.

Ñemañaha 1 de marzo

“Heta hénte oñeporandu mbaʼérepa Ñandejára ndoipeʼáima umi jehasa asy ha inhustísia oĩva ko múndope. Oĩ ningo opensáva Ñandejára noñeinteresaiha ñanderehe ha oipotaha voi jahasa asy, ¿ndépa mbaʼe repensa? [Ehaʼarõ tombohovái. Upéi elee Juan 3:16.] Heta oĩ oiporúva ko téxto jalee vaʼekue ohechauka hag̃ua Ñandejára ojepyʼapyha ñanderehe, péro ndohechakuaái mbaʼeichaite pevépa ideprovécho ñandéve Jesús sakrifísio. Ko rrevísta ohechauka Jesucristo sakrifísio rupive Ñandejára koʼẽrõitéma oipeʼapataha umi jehasa asy ha inhustísia oĩva ko múndope.”

¡Despertad! Marzo

“Heta oĩ ogueroviáva Ñandejára ojapo hague ko univérso, péro oĩ avei nopensáiva upéicha, ¿ndépa mbaʼe repensa? [Ehaʼarõ tombohovái. Upéi elee Génesis 1:1.] Hetápe ijetuʼu oguerovia hag̃ua Ñandejára ojapo hague opa mbaʼe, umi omoakãva rrelihionkuéra nomboʼeporãi rupi la Biblia heʼíva. Ko rrevísta omyesakã porã la Biblia rupive mbaʼéichapa oñepyrũ pe univérso.”