Mbaʼépa ikatu jaʼe oñeporandu jave ñandéve 1914-re

Ñandejára Ñeʼẽ ñanemokyreʼỹ ñaime hag̃ua preparádo ñadefende hag̃ua “pyʼaporãme” umi mbaʼe jagueroviáva (1 Ped. 3:15). Péro sapyʼánte ijetuʼu jaexplika hag̃ua umi téma hasýva oĩva la Bíbliape, por ehémplo Ñandejára Rréino oñepyrũha ogoverna 1914-pe. Upévare, ojeprepara mokõi artíkulo ñanepytyvõtava upearã, hérava: “Peteĩ testígo de Jehová oñemongeta ivesínondi: ¿Arakaʼe guivépa oñepyrũ ogoverna Ñandejára Rréino?”. Koʼã artíkulo jatopáta rrevísta Ñemañaha octubre ha noviembrepeguápe. Ág̃a jalee vove, iporã jajepyʼamongetami koʼã porandúre ha jahecha mbaʼéichapa pe ermáno omaneha pe situasión.

¿Mbaʼéichapa Julio...

• oguerohory pe ogajárape ha oñemongeta hendive peteĩ mbaʼe oikuaasévare? (Hech. 17:22.)

• oexplika umi mbaʼe ogueroviáva oñembotuichaʼỹre? (Hech. 14:15.)

¿Mbaʼérepa jaʼe ojapo porã hague...

• orresumi jeývo don Néstorpe umi púnto iñimportantevéva, ohasa mboyve ótro témape?

• ombaʼeporandu mimívo don Néstorpe, ikatu hag̃uáicha ohecha ontende porãpa hína la heʼíva chupe?

• nomyesakãivo chupe hetaiterei mbaʼe pe primera visítape? (Juan 16:12.)

Ajépa jaagradesete ñane “Mboʼehára Ijojahaʼỹva”, Jehovápe, ñanepytyvõ haguére ñamyesakãkuaa hag̃ua umi mbaʼe hypyʼũva oĩva la Bíbliape umi hénte oaprendesevévape chugui (Is. 30:20).