Koʼã ñeʼẽ oĩ vaʼerã ne korasõme

Tuvakuéra ojapóva ningo ojoguaiterei umi ovecharerekua rembiapópe. Umi pastór okuidaháicha ijovechakuérare, tuvakuéra oñangareko vaʼerã avei ifamíliare ani hag̃ua oho tape vaíre ha osufri upevakuére (Prov. 27:23). ¿Mbaʼéichapa tuvakuéra ikatu oñangareko porã ifamíliare? Upearã tekotevẽ oñemotiémpo oñemongeta hag̃ua hendivekuéra káda día, upéicharõ añoite oikuaáta mbaʼépa oipyʼapy chupekuéra ha mbaʼépa oreko hikuái ikorasõme (Prov. 20:5). Avei oikuaáta mbaʼéichapa ikatu oipytyvõ ifamíliape omombarete hag̃ua ijerovia (1 Cor. 3:10-15). Pe vidéo Koʼã ñeʼẽ oĩ vaʼerã ne korasõme penepytyvõta pehechakuaa hag̃ua mbaʼérepa iñimportantete jajapo pe estúdio de família. Upévare pomokyreʼỹ pehecha hag̃ua ko vidéo en família ha pembohovái koʼã porandu.

1) ¿Mbaʼérepa Tomás, hembireko ha ifamiliakuéra naitiémpoi Jehovápe g̃uarã? 2) ¿Mbaʼérepa ijetuʼuete raʼe ermáno Tomáspe oñepyrũ hag̃ua ojapo ijestúdio de família? 3) ¿Mbaʼépa heʼi la Biblia ojapo vaʼerãha tuvakuéra omongakuaa porã hag̃ua ifamíliape? (Deut. 6:6, 7.) 4) ¿Mbaʼépa ikatu pejapo perekove hag̃ua oportunida peñemongeta hag̃ua? 5) ¿Mbaʼépa osakrifika vaʼerã tuvakuéra ikatu hag̃uáicha itiempove ifamíliape g̃uarã? 6) ¿Mbaʼéichapa ermáno Barrios ha hembireko oipytyvõ família Benítezpe? (Prov. 27:17.) 7) ¿Mbaʼéichapa ojeprepara vaʼerã tuvakuéra ikatu hag̃uáicha osẽ porã ijestúdio de família? 8) ¿Mbaʼépa ojapo kuri ermáno Benítez ikatu hag̃uáicha omehorave ifamília situasión? 9) ¿Mbaʼérepa siémpre jajapo vaʼerã pe estúdio de família? (Efes. 6:4.) 10) Emombeʼu mbaʼe mbaʼépa ikatu jajapo ñande estúdio de famíliape. 11) Ermáno Benítez oñeʼẽrõ guare itaʼýrandi odesidi porã hag̃ua, ¿mbaʼérepa iporã raʼe heʼi itaʼýrape derechoite la kósa péro pyʼaguapýpe porãnte? (Jer. 17:9.) 12) ¿Mbaʼéichapa Tomás ha hembireko oipytyvõ raʼe Rebécape odesidi porã hag̃ua? (Mar. 12:30; 2 Tim. 2:22.) 13) ¿Mbaʼérepa jaʼekuaa Tomás ha hembireko ojerovia hague Jehováre odesidívo oiko sensillove? (Mat. 6:33.) 14) ¿Mbaʼéichapa ko vidéo oipytyvõ tuvakuérape ohechakuaa hag̃ua iñimportanteha omombarete hogayguakuéra jerovia? (1 Tim. 5:8.) 15) ¿Mbaʼépa ojedesidi vaʼerã ojapo umi omoakãva hogapy?

TUVAKUÉRAPE G̃UARÃ: Oñepresentárõ guare ko dráma ñande aty guasu tres diagua áño 2011-pe, ¿rehechakuaápa raʼe ikatuha pemehorave pende estúdio de família? Ha rehecha rire ko vidéo, ¿retopa jeýpa algúna kósa tekotevẽhápe gueteri pemehora? Eñemboʼékena Jehovápe tanepytyvõ rejapo hag̃ua umi mbaʼe tekotevẽva ikatu hag̃uáicha reipytyvõ ne famíliape ojesalva hag̃ua (Efes. 5:15-17).