Jaipuru porãkena pe lívro ¿Mbaʼépa omboʼe la Biblia?

Umi persóna oaprendévo ohóvo la Bíbliagui ha omoĩvo en práktika umíva, ojekuaáta hesekuéra oprogresaha ohóvo (Sal. 1:1-3). Jaipuru porãramo umi mbaʼe orekóva pe lívro ¿Mbaʼépa omboʼe la Biblia?, ñaipytyvõta chupekuéra oprogresave hag̃ua.

Umi porandu oĩva oñepyrũvo káda kapítulo. Oñepyrũvo káda kapítulo oñemoĩ umi pregúnta oñekontestátava upe leksiónpe. Ikatu jalee umíva pe estudiánte oikuaase hag̃ua mbaʼépa heʼi la Biblia umívare. Ikatu avei jajerure chupe tomombeʼu ñandéve mbaʼépa opensa umi mbaʼére. Ha norrespondeporãirõ, natekotevẽi jakorrehi chupe upepete voi, jarekónte vaʼerã enkuénta, ikatu hag̃uáicha jastudiakuévo upe párte jaexplika porãve chupe (Prov. 16:23; 18:13).

Informasión oĩvéva. Oimérõ pe estudiánte ontende porãma pe kapítulo jastudia vaʼekue hendive, ikatu ñamokyreʼỹ chupe olee hag̃ua upéi haʼeño pe informasión oñeʼẽvéva upe témare ha oĩva opakuévo pe lívro. Ha ótro jahávape jajapo chupe porandu jaikuaa hag̃ua ontende porãpa raʼe. Péro pe estúdio aja jahechakuaáramo oĩha peteĩ mbaʼe nontendeporãiva, ikatu upéi jaapartaʼimi tiémpo ñaanalisa hag̃ua hendive pe informasión oĩvéva tahaʼe kompletoite térã peteĩ párte. Upearã ikatu jalee umi párrafo ha jajapo chupe umi porandu japrepara vaʼekue umívape g̃uarã.

Rrekuádro de rrepáso. Umi rrekuádrope oñerresponde umi pregúnta oĩva pe kapítulo oñepyrũvo. Ñaanalisáramo umíva ñane estudiántendi, jahechakuaáta ontende porãpa hína umi enseñánsa iñimportantevéva oĩva káda kapítulope ha ikatúpa oexplika umíva. Jaleepa rire hendive umi rrespuésta ha umi téxto, jajerure chupe toipuru umi téxto oexplika hag̃ua ñandéve mbaʼérepa oĩ porã umi rrespuésta (Hech. 17:2, 3).