Peteĩ artíkulo pyahu ñanepytyvõva predikasiónpe

Enero de 2016 guive, ñande rrevísta Ñemañaha, última páhinape osẽ peteĩ artíkulo pyahu hérava: “¿Mbaʼépa heʼi la Biblia?”. Ko artíkulo ojoguaiterei umi tratádo ipyahuvévape, ojeprepara avei ikatu hag̃uáicha ñamoñepyrũ peteĩ konversasión predikasiónpe. Primeroite oñemoĩ peteĩ pregúnta ñanepytyvõtava jaikuaa hag̃ua mbaʼépa opensa umi hénte. Upéi oñemoĩ peteĩ téxto okontestáva upe pregúnta, ha pe iguýpe oñemoĩve informasión ikatúva jaipuru ñakontinua hag̃ua pe konversasión.

Ñañemongetárõ umi héntendi umi téma ointeresávare chupekuéra, ikatu hína ostudia la Biblia ñanendive. Upévare, jaipurúkena ko artíkulo pyahu ñaipytyvõ hag̃ua umi oikuaasévape Ñandejárape (Mt 5:6).

MBAʼÉICHAPA IKATU REIPURU:

1. Eporandu pe ogajárape mbaʼépa opensa peteĩva umi pregúntare.

2. Ejapysaka porã la heʼívare ndéve.

3. Elee pe téxto oĩva upépe ha eporandu chupe mbaʼépa opensa hese. Pe ogajára itiémporamo, ikatu reñemongetave hendive pe párte heʼívare: “¿Mbaʼépa ikatu ñaaprendeve la Bíbliagui?”.

4. Eikuaveʼẽ chupe pe rrevísta.

5. Ere chupe reho jeytaha hendápe peñemongeta hag̃ua pe ótra pregúntare.