TESÓRO OĨVA ÑANDEJÁRA ÑEʼẼME | ECLESIASTÉS 1-6
Javyʼákena ñambaʼapo pohýiramo jepe
Jehová oipota jadisfruta ñande traváhogui ha ñanemboʼe mbaʼéichapa ikatu ñakonsegi upéva. Ñande aktitu porãramo ikatu hína ñandegustave ñande traváho.
¿Mbaʼépa ikatu jajapo jadisfruta hag̃ua ñande traváhogui?
Ñapensa umi mbaʼe porã jahupytýtavare.
Ñapensa mbaʼéichapa ideprovécho ótra persónape pe jajapóva.
Ñande travahadór vaʼerã, péro ani jahasa la rrája, ani ñambotapykue ñane famíliape ni Jehovápe ñande traváho káusare.