¿Reimépa preparádo?

¿Ndépa reime preparádo oikóramo g̃uarã peteĩ desástre naturál pe lugár reikohápe? Ñahaʼarõʼỹve jave ikatu oiko umi yvyryrýi, urakán, okaipa umi kaʼaguy térã oiko inundasión, ha koʼã mbaʼe ikatu tuichaiterei ñandeperhudika. Avei ikatu oiko umi atáke terrorísta, oñepyrũ heta provléma ñande paíspe térã ou umi mbaʼasy ojagarráva hetaiterei héntepe. Entéro koʼã mbaʼe ikatu oiko derrepentete ha oimehápe (Ec 9:11). Upévare ndovaléi ñapensa núnka ndoikomoʼãiha pe lugár ñande jaikohápe.

Káda uno jajapo vaʼerã ñande párte ñaime hag̃ua preparádo oikóramo g̃uarã koʼã mbaʼe vai (Pr 22:3). Jehová organisasión ningo ñanepytyvõ oiko jave koʼã mbaʼe, péro upéva ndeʼiséi natekotevẽiha jajeprepara ha péicha ñakumpli pe rresponsavilida jarekóva káda uno (Gál 6:5, nóta).

EHECHA PE VIDÉO ¿REIMÉPA PREPARÁDO OIKÓRAMO G̃UARÃ PETEĨ DESÁSTRE NATURÁL?, UPÉI ERRESPONDE KOʼÃ PORANDU:

• 

  ¿Mbaʼéichapa ñanepytyvõta ñañemoag̃uivérõ Jehováre oiko mboyve peteĩ desástre?

• 

  ¿Mbaʼérepa iñimportánte...

  • • ... ñañekomunika porã umi ansiáno ndive oiko mboyve, oiko aja ha oiko rire peteĩ desástre naturál?

  • • ... japrepara peteĩ mochíla de emerhénsia? (g17.5-S 6).

  • • ... ñañeʼẽ umi mbaʼe vai ikatúvare oiko ha avei umi mbaʼe ikatúvare jajapo káda kásope?

• 

  ¿Mbaʼépa umi mbohapy mbaʼe ikatúva jajapo ñaipytyvõ hag̃ua umi ohasávape peteĩ situasión ijetuʼúva?