Ñandefiélkena koʼýte koʼág̃a pe fin hiʼag̃uimbaitémava

MBAʼÉREPA IÑIMPORTÁNTE: Koʼẽrõitéma oikóta heta mbaʼe tuichaitereíva, ha koʼýte tekotevẽta jahechauka ñandepyʼaguasuha ha jajeroviaha Jehováre. Pe jehasa asy guasu oñepyrũta oñehundi vove umi rrelihión japu (Mt 24:21; Apc 17:16, 17). Upe tiémpo ijetuʼuetévape, posívlemente japredikáta peteĩ mensáhe ipohýiva (Apc 16:21). Gog de Magog ñandeatakáta (Eze 38:10-12, 14-16). Upéi Jehová omoñepyrũta pe gérra, “oikótava Ñandejára Todopoderóso ára guasúpe” (Apc 16:14, 16). Péro ikatu hag̃uáicha ñandepyʼaguasu oiko vove umi mbaʼe, koʼág̃ama voi ñaaguanta vaʼerã umi pruéva ijetuʼúva.

MBAʼÉICHAPA IKATU JAJAPO:

• Ñandepyʼaguasu ha ñadefende la Jehová oipotáva (Is 5:20).

• Jasegi jaadora Jehovápe ñane ermanokuéra ndive (Heb 10:24, 25).

• Pyaʼe jasegi umi instruksión omeʼẽva Jehová organisasión (Heb 13:17).

• Ñapensa meme mbaʼéichapa Jehová osalva vaʼekue ipuévlope ymave (2Pe 2:9).

• Ñañemboʼe Jehovápe ha jajerovia hese (Sl 112:7, 8).

EHECHA PE VIDÉO AMO GOTYOVE TEKOTEVẼTA JAHECHAUKA ÑANDEPYʼAGUASUHA (VIDÉO MBYKYVÉVA), UPÉI ERRESPONDE KOʼÃ PORANDU:

• 

  ¿Mbaʼe situasiónpa ohasa umi ermáno oĩrõ guare kámbio ikongregasiónpe?

• 

  ¿Mbaʼérepa jaʼekuaa ñaneñeʼẽrendúramo jahechaukaha ñandepyʼaguasuha?

• 

  ¿Mbaʼérepa tekotevẽta ñandepyʼaguasu Armagedón ou vove?

• 

  ¿Mbaʼe rreláto bíblicopa ñanepytyvõ ani hag̃ua jaduda Jehová ñandesalvataha? (2Cr 20:1-24).