¿Nderehoséipa Eskuéla de Evanhelisadórpe?

¿Erekópa éntre 23 ha 65 áño ha eservi de tiémpo kompléto? ¿Neresãipa ha reĩ reva hag̃uáicha oñekotevẽvehápe opredika vaʼerãre? Oimérõ upéicha, ¿mbaʼére neremondói peteĩ solisitu reho hag̃ua Eskuéla de Evanhelisadórpe? Oñepyrũ guive ko eskuéla hetaiterei omendáva, soltéro ha soltéra omondo isolisitu. Péro oñekotevẽ hetave ermáno soltéro oho ko eskuélape. Ejerure Jehovápe tanemokyreʼỹ ikatu hag̃uáicha rejaposeve iservísiope ha péicha resegi Itaʼýra ehémplo (Sl 40:8; Mt 20:28; Heb 10:7). Upéi epensa mbaʼéichapa ikatu rembaʼapo saʼive ha ereko saʼive rresponsavilida ikatu hag̃uáicha reho ko eskuélape.

¿Moõpa oservi upéi umi ermáno ohóva ko eskuélape? Oĩ oñeasignáva oho hag̃ua umi território oñeñeʼẽhápe ótro idióma, térã opartisipa hag̃ua pe predikasión oñeorganisáva umi siuda tuichaháre. Oĩ avei kon el tiémpo oservíva de superintendénte de sirkuíto sustitúto, superintendénte de sirkuíto térã de misionéro. Iporãitereíta repensárõ mbaʼépa ikatu rejapove Jehovápe g̃uarã ha esegi proféta Isaías ehémplo. Haʼe heʼi vaʼekue: “¡Ápe ningo aĩ che! ¡Chemondóna chéve!” (Is 6:8).

EHECHA PE VIDÉO UMI MISIONÉRO OMBAʼAPO KYREʼỸVA HA UPÉI ERRRESPONDE KOʼÃ PORANDU:

• 

  ¿Mbaʼéichapa oñeasigna koʼág̃a umi oservítavape de misionéro?

• 

  ¿Mbaʼe traváho iporãvapa ojapo umi misionéro?

• 

  ¿Mbaʼe vendisiónpa orresivi umi misionéro?