Ejedesidi eservi Jehovápe

Oimérõ nde peteĩ puvlikadór no vautisádo imitãva térã peteĩ estudiánte de la Biblia, ¿repensámapa rejevautisávo? ¿Mbaʼérepa tekotevẽ rejevautisa? Reñemeʼẽvo Jehovápe ha rejevautisávo oñepyrũ peteĩ amista iporãva Jehovándi ha ikatúta rejesalva (Sl 91:1; 1Pe 3:21). ¿Mbaʼe mbaʼépa tekotevẽ rejapo reñemeʼẽ hag̃ua Jehovápe ha rejevautisa?

Reñekonvense vaʼerã la reaprendéva haʼeha la verda. Sapyʼánte redudáramo, reinvestiga vaʼerã rentende porãve hag̃ua (Ro 12:2). Ikatu rehechakuaa ofaltaha rekambia álgo reiko lájape. Oimérõ upéicha, rejapo vaʼerã umi kámbio rembovyʼaségui Jehovápe (Pr 27:11; Ef 4:23, 24). Ani nderesarái eñemboʼe ha ejerure hag̃ua Jehovápe tanepytyvõ. Haʼe katuete ndeapojáta ha nemombaretéta ijespíritu sánto rupive (1Pe 5:10, 11). Tekotevẽta añete reñehaʼã, péro ni mbaʼevéicharõ nerembyasymoʼãi. Javyʼaiterei ningo jaservívo Jehovápe ha ndaipóri ótra kósa iporãvéva upévagui (Sl 16:11).

EHECHA PE VIDÉO MBAʼE MBAʼÉPA TEKOTEVẼ EJAPO EJEVAUTISA HAG̃UA, HA UPÉI ERRESPONDE KOʼÃ PORANDU:

• ¿Mbaʼe situasión ijetuʼúvapa ombohovái vaʼekue algúno ojevautisa hag̃ua?

• ¿Mbaʼépa ikatu rejapo ndejerovia mbareteve hag̃ua ha péicha rejevautisa?

• ¿Mbaʼe mbaʼépa omomýi hetápe ojapo hag̃ua la tekotevẽva ojevautisa hag̃ua?

• ¿Mbaʼéichapa Jehová ovendesi umi odesidívape oservi chupe?

• ¿Mbaʼépa heʼise ñañemeʼẽ ha jajevautisa?