Emombeʼu enterovépe koʼẽrõite jaikotaha vyʼápe peteĩ múndo pyahúpe

Noviémbrepe jajapóta ikatúva guive ñamombeʼu hag̃ua opavavépe koʼẽrõitéma jaikotaha peteĩ múndo pyahúpe (Sl 37:10, 11; Apc 21:3-5). Ñatanteána ñakambiaʼimi ñande orário japartisipave hag̃ua ko kampáña espesiálpe. Jaserviséramo de prekursór auxiliár noviémbrepe, ikatúta jadesidi jajapótapa 30 térã 50 óra.

Ko kampáña aja, hiʼãiterei jalee opa ikatúvape peteĩ téxto bíblico oñeʼẽva pe múndo pyahúre. Jaiporavo hag̃ua mbaʼe téxtopa jaleéta ñañehaʼã ñapensa mbaʼépa ointeresave umi hénte ñande territoriopeguápe. Pe primera konversasiónpe jatopáramo umi oñeinteresáva, ñameʼẽ chupe pe rrevísta Ñemañaha número 2 de 2021. Upéi, ijamíre ñañeʼẽ jey vaʼerã pe persónandi, ani jaheja ohasa heta tiémpo ha ñañehaʼã ñamoñepyrũ peteĩ estúdio bíblico hendive. Upearã jaipuru vaʼerã pe folléto ¡Jaikóta vyʼápe pára siémpre! Ajépa javyʼaite ikatu haguére jaipuru ñane tiémpo ñamombeʼu hag̃ua umi notísia porã heʼíva “oĩha álgo iporãvéva” (Is 52:7).

EHECHA PE VIDÉO MUSIKÁL PE MÚNDO PYAHU APETÉMA OĨ, HA UPÉI ERRESPONDE KOʼÃ PORANDU:

• ¿Mbaʼeichagua múndopepa oñeimahina oĩha pe mitãkuñaʼi?

• ¿Mbaʼe mbaʼépa nde reipotave oñekumpli pe múndo pyahúpe?

• ¿Mbaʼérepa rejepyʼamongetárõ ne esperánsa porãitére nekyreʼỹvéta repartisipave hag̃ua pe kampáña espesiál oikótavape noviémbrepe? (Lu 6:45).