¿Mbaʼéichapa umi ermána ikatu ojapove Jehovápe g̃uarã?

Umi ermána ningo ojapo heta mbaʼe Jehová Rréino rehehápe (Sl 68:11). Haʼekuéra odirihi heta estúdio bíblico, ha umi prekursór rregulár apytépe la majoría haʼe ermána. Oĩ ningo hetaiterei ermána ombaʼapóva Betélpe, traduksiónpe, kómo misionéra, voluntária térã siérva de konstruksión. Ha umi ermána iñakãguapýva tuicha omokyreʼỹ ifamíliape ha kongregasiónpe (Pr 14:1). Ndaikatúiramo jepe oñenombra umi ermánape kómo ansiáno térã siérvo ministeriál kongregasiónpe, haʼekuéra ikatu omoĩ heta méta. Upévare, oiméramo nde peteĩ ermána, ¿mbaʼépa ikatu ejapove Jehová g̃uarã?

• Eñehaʼã ereko hetave kualida iporãva (1Ti 3:11; 1Pe 3:3-6).

• Eipytyvõ umi ermána saʼive iñexperiénsiavape (Tit 2:3-5).

• Eñehaʼã epredika hetave ha epredika porãve hag̃ua.

• Eaprende ótro idióma.

• Eva peteĩ lugár oñekotevẽhápe hetave opredikáva.

• Emyenyhẽ pe solisitu reservi hag̃ua Betélpe térã konstruksiónpe.

• Emyenyhẽ pe solisitu reho hag̃ua Eskuéla de Evanhelisadórpe.

EHECHA PE VIDÉO “KUÑANGUÉRA NDEGUÁPAVA OMBAʼAPO KYREʼỸVA ÑANDE RUVICHA SERVÍSIOPE”, HA UPEI EMBOHOVÁI KO PORANDU:

• ¿Mbaʼéichapa nemokyreʼỹ koʼã ermána ehémplo?