JAIKO KRISTIÁNO TEÉICHA

Mbaʼe mbaʼépa oreko pe lívro ¡Jaikóta vyʼápe pára siémpre!

Pe lívro hérava ¡Jaikóta vyʼápe pára siémpre!, oreko hetaiterei mbaʼe ñanepytyvõva jajapo jave kúrso bíblico. Por ehémplo, ñandegustaiterei voi umi vidéo, umi porandu omokyreʼỹva pe estudiántepe heʼi hag̃ua la opensáva, umi párte hérava “Oĩramo heʼíva”, “Méta” ha “Einvestiga hag̃ua”. Péro, ¿oĩvépa algúna kósa ko lívrope ikatúva nepytyvõ rejapo hag̃ua disípulo? (Mt 28:19, 20).

Lívro “¡Jaikóta vyʼápe pára siémpre!” pe aplikasión JW Líbrarype. Ojerresaltave pe párte heʼihápe “Rreferensiakuéra seksión 1-pe g̃uarã”.

Videokuéra: Reipurúramo pe lívro impréso, ¿mbaʼéichapa ikatu retopa pyaʼeve entéro umi vidéo ha rreferensiakuéra? Upearã ikatu reike Internétpe térã pe aplikasión JW Líbrarype oĩháme pe lívro, upéi eiporavo peteĩva umi 4 seksióngui. Upépe retopáta umi leksión ha iguyetépe oĩ entéro umi “Rreferensiakuéra” okorrespondéva káda seksiónpe (ehecha pe taʼanga 1).

“Edición impresa”: Reipurúramo pe lívro pe aplikasión JW Library^® guive, ikatu hína ideprovécho ndéve pe párte heʼíva “Edición impresa”. Upéva ikatu nepytyvõ rehecha hag̃ua mbaʼéichapa umi divúho ha oñemohenda lája opa mbaʼe, oho porã ojuehe ha orresalta pe téma prinsipál. Upearã ikatu reike pe leksiónpe, ejopy umi mbohapy puntoʼi oĩva yvate a la derécha ha eiporavo heʼihápe “Edición impresa”. Esẽ hag̃ua upégui ejopy jeýnte umi mbohapy puntoʼi ha eiporavo “Edición digital”, térã ejopy pe divuhoʼi líla osẽva iguýpe a la derécha.

Lívro “¡Jaikóta vyʼápe pára siémpre!” pe aplikasión JW Líbrarype. Ojerresaltave umi párte heʼihápe “¿Aimémapa preparádo?” ha “Notakuéra”.

“¿Aimémapa preparádo?”: Koʼã rrekuádro oĩva opakuetévo ko lívrope, ohechauka umi rrekisíto tekotevẽva okumpli pe estudiánte oñepyrũ hag̃ua opredika kongregasióndi ha ojevautisa hag̃ua (ehecha pe taʼanga 2).

Notakuéra: Koʼã nóta oexplika porãve unos kuánto téma iñimportánteva. Pe lívro oĩva Internétpe ha pe aplikasiónpe, oreko peteĩ enláse káda nóta guýpe ndegueraha jeýtava pe leksión oñeanalisahápe upe nóta (ehecha pe taʼanga 2).

Ko lívro ojestudia vaʼerã kompletoite umi estudiánte oprogresávandi, lomímonte ojevautisa jepérõ petermina mboyve. Pe estudiánte ojevautisa rire ikatu gueteri reinforma pe óra, pe rrevisíta ha pe kúrso bíblico. Ha oimérõ ótro ermáno nemoirũ pe estúdio aja haʼe ikatu avei okonta pe óra.