Ñapensa jey umi enseñánsa iñimportantevévare

¿Oikómapa nderehe la ensegída nderesarái pe restudia vaʼekuégui? Enterovévare oikóma upéva. ¿Mbaʼépa ikatu nepytyvõ? Ikatu epensa jey umi enseñánsa iñimportantevévare.

Restudia aja, epytaʼimi ehechakuaa hag̃ua umi mbaʼe iñimportantevéva reaprendéva. Apóstol Pablo oipytyvõ vaʼekue umi ermánope ojapo hag̃ua upéva. Haʼe heʼi: “Umi mbaʼe jaʼévagui, kóva hína la iñimportantevéva” (Heb. 8:1). Péicha haʼe oipytyvõ chupekuéra ontende hag̃ua ohóvo la haʼe heʼíva, ha ohechakuaa hag̃ua hikuái mbaʼéichapa káda idéa oho pe téma prinsipál rehe.

Restudia rire ikatu eñemotiémpo 10 minutokuéra epensa hag̃ua umi mbaʼe iñimportantevéva restudia vaʼekuére. Oimérõ nanemanduʼái, ikatu emaña jey umi subtítulore térã elee pe primera párte káda párrafogui. Oimérõ eaprende raʼe álgo ipyahúva, eñehaʼã eexplika ndejeheguiete. Repensa jeývo la reaprende vaʼekuére, ifasilvéta nemanduʼa hag̃ua hese ha repilla porãvéta mbaʼéichapa pe informasión ikatu nepytyvõ.