Eprepara ne korasõ

Jastudia jave la Biblia, jaipota umi mbaʼe ñaaprendéva Jehovágui opoko ñane korasõre, ha upéva ikatu ñaaprende Esdras ehémplogui. Haʼe ningo siémpre ‘oprepara ikorasõ ostudia ha okumpli hag̃ua Jehová léi’ (Esd. 7:10). ¿Mbaʼéichapa ikatu jasegi iñehémplo?

Eñemboʼe. Eñemboʼe raẽkena reñepyrũ mboyve restudia. Ejerure Jehovápe tanepytyvõ rentende hag̃ua la restudiáva, ikatu hag̃uáicha upéi rejapo la reaprendéva (Sal. 119:​18, 34).

Neumíldekena. Ñandejára ndoikuaaukái pe añetegua umi oñemombaʼeguasúvape ha oimoʼãva noĩkotevẽiha ajúda ontende hag̃ua la Biblia (Luc. 10:21). Aníkena restudia rehechauka hag̃uánte umi ótrope reikuaaha heta mbaʼe. Ekambiákena repensa lája rehechakuaárõ ifaltaha ndéve, upéva ikatúta rejapo neumílderamo.

Ehendu peteĩva umi ñande purahéi. Pe músika opoko ñane korasõre, ikatu voi okambia umi mbaʼe ñapensáva ha ñañandúva. Upévare restudia mboyve ikatu rehendu peteĩva umi ñande purahéi. Upéva nepytyvõta epensa hag̃ua Jehováre ha og̃uahẽve hag̃ua ndéve la reaprendéva.