Eñehaʼã eñeimahina umi istória oĩva la Bíbliape

La Bíbliape oñemombeʼu heta istória omboʼéva umi mbaʼe iñimportánteva. Ñañehaʼãramo ñañeimahina umi mbaʼe oiko vaʼekue, ñantende porãvéta la jaleéva ha ideprovechovéta ñandéve. Jahechamína mbaʼépa ikatu ñanepytyvõ upearã.

• Elee en vos álta. Eleéramo la Biblia en vos álta ikatu ifasilve ndéve eñeimahina la oikóva. Peleéramo la Biblia en família, ikatu otoka káda únope diferénte personáhe bíblico ikatu hag̃uáicha peike voi la istóriape.

• Eñehaʼã ehechapa voi la oiko vaʼekue. Ekalkula mbaʼépa oiméne opensa ha oñandu rakaʼe umi persóna oñeñeʼẽvare upe rrelátope. Por ehémplo eñeporandumína: “¿Mbaʼérepa heʼi térã ojapo raʼe upéva? ¿Mbaʼéichapa che añeñandúne raʼe aimérire isituasiónpe? ¿Mbaʼépa apensáta kuri?”.

• Edivuha. Oiméramo jepe ndahaʼéi la redivuhakuaaitereíva, upéva nepytyvõta eñeimahina hag̃ua umi istória oĩva la Bíbliape ha nemanduʼa porãvéta avei umívare.