Hakuetereive opárupi koʼág̃a: ¿Mbaʼépa heʼi la Biblia?

Julio de 2022-pe, hetaiterei país omombeʼu koʼág̃a mas ke núnka hakuetereiha:

• “Ko méspe dos veseháma umi autorida Chinapegua oavisa la héntepe hakuetereitaha 70 siudápe” (25 de Julio de 2022, CNN Wire Service).

• “Hakueterei rupi Europa kompletoitére hetaiterei paíspe oiko inséndio ha okaipa umi kaʼaguy” (17 de Julio de 2022, The Guardian).

• “Hetaiterei siuda Estados Unidospegua omombeʼu pe domingo hakueterei hague pe éste gotyo, avei sur ha oéste gotyo” (24 de Julio de 2022, The New York Times).

¿Mbaʼérepa oikopa hína koʼã mbaʼe? ¿Péva piko heʼise amo gotyove ndaikatumoʼãveimaha jaiko ko ñane planétape? ¿Mbaʼépa heʼi la Biblia?

¿Oñekumplípa hína péicha peteĩ mbaʼe heʼíva la Biblia?

Si. La Biblia ontendekáma voi kuri ko ñane tiémpope oikotaha koʼãicha mbaʼe. Por ehémplo Jesús heʼi vaʼekue ‘umi hénte ohechataha heta mbaʼe oporomongyhyjéva’ (Lucas 21:11). Koʼág̃a hakueterei rupi la hénte okyhyjepa ha opensáma voi ñahunditaha ñane planéta.

¿Oñehundítapa ñane planéta?

No. Ñandejára ojapo vaʼekue ko ñane planéta jaiko hag̃ua pype pára siémpre (Salmo 115:16; Eclesiastés 1:4). Ñandejára ndohejamoʼãi avave ohundi ko yvy, upéva rangue Haʼe ohundíta “umi ohundívape ko yvy” (Apocalipsis 11:18).

Jahechamína mokõi profesía omombeʼúva avei mbaʼépa Ñandejára opromete ojapotaha:

• “Pe ñu ha pe yvy isékova ovyʼáta, pe desiérto ovyʼaitereíta, henyhẽta yvoty porã porãgui” (Isaías 35:1). Ñandejára ndohejamoʼãi oñembyaipa ko ñane planéta oiko peve chugui peteĩ yvy perõ. Upéva rangue omoporãmbaite jeýta pe oñembyai haguépe.

• “Ñandejára nde rekuida ko yvýre, upévare oprodusi porã ha ndofaltái mbaʼeve” (Salmo 65:9). Ñandejára ojapóta ko yvýgui peteĩ hardín iporãitereíva.

¿Ojeʼémapa raʼe la Bíbliape oikotaha koʼã mbaʼe? Reikuaasevéramo ehecha pe artíkulo hérava “¿Qué dice la Biblia sobre el cambio climático y nuestro futuro?”.

Reikuaaséramo hetave mbaʼe ohechaukáva ko ñande yvy iporãmba jeytaha, ikatu rehecha pe artíkulo hérava “¿Quién salvará el planeta?”.