Anna Moneymaker/Getty Images
¡PEÑATENDE PORÃKENA!
Umi sientífiko oadelanta pe Rrelo del Huísio Finál: ¿Mbaʼépa heʼi la Biblia?
El 24 de enero de 2023, umi sientífiko oadelanta pe Rrelo del Huísio Finála ha koʼág̃a omarka las 12 de la nóche potaite. Upéva heʼise og̃uahẽʼintemaha pe fin del múndo.
Pe Servicio internacional de noticias de la agencia AFP heʼi: “Ko martes pe Rrelo del Huísio Finál, orrepresentáva umi provlemaita ombohováiva la hénte, oñemoag̃uimbaitéma pe medianóchere. ¿Mbaʼérepa? Pe gérra de Ucrania káusare, umi amenása nukleár ha umi provléma ambientál káusare”.
Pe ABC News heʼi: “Ko martes umi sientífiko oanunsia pe Rrelo del Huísio Finál oñadelanta hague, ha 90 segúndontema ofalta medianocherã. Primera ves peichaite peve ñañemoag̃ui pe destruksión finál rehe”.
Pe diário The Guardian heʼi: “Peteĩ grúpo de sientífiko diferénte paisgua heʼi kómo núnka ánte oĩha pelígro ñande voi ñañehundipávo ñandejupe”.
¿Sera ke ñañehundipáta ha ko ñane planéta voi oñehundíta? ¿Jakyhyje vaʼerãpa la oikótavagui tenonderã? ¿Mbaʼépa heʼi la Biblia?
¿Mbaʼépa oikóta amo gotyove?
La Biblia heʼi: “Ko yvy opytáta pára siémpre”, ha heʼi avei: “Umi hembiapo porãvape oñemeʼẽta ko yvy, ha oikóta pype opa ára g̃uarã” (Eclesiastés 1:4; Salmo 37:29). Upéicharõ jaʼekuaa la hénte nohundimoʼãiha ko yvy ha ndaikatumoʼãiha ombyaiete ko planéta.
Péro la Biblia si heʼi álgo opataha, upévare heʼi ‘ko múndo ohasaha ohóvo’ (1 Juan 2:17).
Reikuaa hag̃ua mbaʼépa heʼise la Biblia oñeʼẽ jave pe fin del múndore, elee pe artíkulo “¿Se acerca el fin del mundo? ¿Qué es el apocalipsis?”.
Reikuaa hag̃ua mbaʼépa heʼi la Biblia koʼẽrõitéma oikotaha, elee pe artíkulo “¿Cuándo será el fin del mundo?”.
Esegíkena ndepositívo
La Biblia ñanepytyvõ jasegi hag̃ua ñandepositívo, oĩramo jepe hetaite provléma ko múndope. ¿Mbaʼéichapa?
La Biblia omeʼẽ ñandéve umi konsého iporãitereíva (2 Timoteo 3:16, 17). Por ehémplo, ikatu elee pe artíkulo “Qué puedo hacer para no preocuparme tanto”, reikuaa hag̃ua mbaʼéichapa la Biblia ikatu nepytyvõ resegi hag̃ua ndepositívo, rehasáramo jepe heta mbaʼe ijetuʼuetereíva.
La Biblia avei omeʼẽ ñandéve peteĩ esperánsa iporãitereíva amo gotyove g̃uarã (Romanos 15:4). Heʼi porã ñandéve mbaʼépa ikatu ñahaʼarõ oiko koʼág̃a ha avei amo gotyove, upéva ñanepytyvõ ani hag̃ua jajepyʼapyeterei oiko jave koʼã mbaʼe vaieta ko múndope.
Eikuaa hag̃ua la Biblia omboʼéva, koʼag̃aite voi ikatu easepta ore kúrso bíblico.
a “Pe Rrelo del Huísio Finál ndahaʼéi peteĩ rrelo de verda, síno ojepuru ojeavisa hag̃ua umi héntepe mbaʼeichaitépa ipeligróso umi mbaʼe vai ojejapóva pe teknolohía rupive. Ha haʼe peteĩ komparasión ñanemomanduʼáva nañañatendéiramo, ikatuha ñañehundipa ñandejupe voi ha avei ñane planétape” (Bulletin of the Atomic Scientists).