¿Mbaʼérepa ndajaikói pyʼaguapýpe? ¿Mbaʼépa heʼi la Biblia?

Oñehaʼãramo jepe, ni umi governánte ni umi organisasión oĩva ko múndo tuichakuére ndaikatúi omoĩ pyʼaguapy. Pe segunda gérra mundiál guive hetaitereive oĩ umi ñorairõ. Ko yvy tuichakuére amo 2.000 millón de persóna rupi oĩ oikohápe umi ñorairõ.

¿Mbaʼérepa avave ndaikatúi omoĩ pe pyʼaguapy? ¿Mbaʼépa heʼi la Biblia?

Jahecháta mbohapy mbaʼe ohechaukáva mbaʼérepa avave ndaikatúi omoĩ pyʼaguapy

1. 1. La Biblia heʼíma vaʼekue voi: “Umi hénte ojepyʼapýta ijehénte, iplatarayhúta, oñembotuicháta, oñemombaʼeguasúta, […] ombotavýta hapichápe, […] ndoikoporãsemoʼãi avavéndi, [...] ndojejokokuaamoʼãi, isalváheta, [...] ikaprichósota, ijorgullósota”. Upéicha oñekomporta rupi haʼekuéra noñehaʼãi voi ojeiko hag̃ua pyʼaguapýpe (2 Timoteo 3:2-4).

2. 2. Ndaipóri avave ikatúva osolusiona iprovlemakuéra, Ijapohare Jehováa noipytyvõiramo chupe. La Biblia heʼi voi “yvypóra ndorekoiha derécho ni odirihívo hekove ijehegui rei” (Jeremías 10:23).

3. 3. Ko múndo oĩ hína peteĩ governánte ipoderóso ha iñañaitereíva poguýpe, haʼéva Satanás el Diablo. Haʼe “ombotavy ko múndo kompletoitépe”. Ha “ko múndo kompletoite” oĩ aja “pe aña poguýpe” osegíta oiko umi ñorairõ ha gérra (Apocalipsis 12:9; 1 Juan 5:19).

¿Mávapa ikatu omoĩ pyʼaguapy?

La Biblia oasegura Ñandejára haʼetaha pe omoĩtava pyʼaguapy, ndahaʼemoʼãi peteĩ persóna.

• “Jehová heʼi: ‘Che aikuaa porã mbaʼépa ajapóta penderehehápe. Ameʼẽta peẽme pyʼaguapy ha ndaguerumoʼãi pende ári mbaʼeve ivaíva, péicha perekóta esperánsa ha peneraʼarõta heta mbaʼe porã’” (Jeremías 29:11).

¿Mbaʼéichapa Ñandejára okumplíta upe promésa? La Biblia heʼi: “Ñandejára omeʼẽva pyʼaguapy, omeʼẽta peẽme autorida pembochipe hag̃ua Satanáspe” (Romanos 16:20). Ñandejára ojevaléta peteĩ goviérno oĩvare yvágape omoĩ hag̃ua pyʼaguapy ko yvy tuichakuére. La Bíbliape oñehenói pe goviérnope “Ñandejára Rréino”, ha Irréi katu haʼe hína Jesucristo (Lucas 4:43). Jesús ogoverna vove ko yvy kompletoite, umi hénte oaprendéta oiko hag̃ua pyʼaguapýpe (Isaías 9:6, 7).

• Eikuaasevéramo ko témagui elee pe artíkulo hérava “¿Qué cosas logrará el Reino de Dios?”.