Thomas Jackson/Stone via Getty Images
¡PEÑATENDE PORÃKENA!
¿Oĩpa esperánsa áño 2024-pe g̃uarã? ¿Mbaʼépa heʼi la Biblia?
Heta hénte opensa ndaiporiveimaha solusión umi provléma ñambohováitavape g̃uarã áño 2024-pe. ¿Upéichapa hína? ¿Moõpa ikatu jatopa esperánsa ñande futurorã?
La Biblia omeʼẽ ñandéve esperánsa
La Biblia opromete Ñandejára osolusionataha oimehaichagua provléma, inklúso umi ñande ñapensáva koʼág̃a ndorekoveimaha solusión. Koʼẽrõitéma “Ñandejára omokãmbaitéta umi hénte resay, ha ndaiporimoʼãvéima omanóva, oñelamentáva, hasẽva ni hasýva. Umi mbaʼe oiko vaʼekue yma opáma” (Apocalipsis 21:4).
Reikuaave hag̃ua mbaʼe esperánsapa la Biblia omeʼẽ ñande futúrope g̃uarã, elee pe artíkulo hérava “La esperanza real de un mañana mejor”.
¿Mbaʼéichapa la Biblia ikatu nepytyvõ koʼág̃ama voi?
Koʼág̃arupi heta hénte oiko sin esperansaite, péro la Biblia ikatu hína nepytyvõ ndéve ani hag̃ua reñeñandu péicha, ha repensa meme hag̃ua iporãvare (Romanos 15:13). Umi konsého oĩva la Bíbliape nepytyvõkuaa avei rembohovái hag̃ua umi provléma jahasáva koʼág̃arupi, por ehémplo, ani hag̃ua resufrieterei pe mboriahu, mbaʼasy ha inhustísia káusare.
Ehechamína mbaʼéichapa pe esperánsa oĩva la Bíbliape oipytyvõ peteĩ karaípe ovyʼa ha ipyʼaguapy hag̃ua, imboriahuetereíramo jepe. Ehecha pe vidéo hérava Juan Pablo Zermeño: Jehová chepytyvõ avyʼa añete hag̃ua.
Sapyʼánte ikatu ñañeñandu yvýre, ndajavyʼái, jajepyʼapyeterei térã ou omano ñandehegui peteĩ jahayhúva. Ehechamína mbaʼéichapa la Biblia ikatu ñanekonsola umícha jave, elee pe artíkulo hérava “¿Puedo encontrar consuelo en la Biblia?”.
Ehechamína mbaʼéichapa peteĩ kuñakarai anteve oĩ vaʼekue pe ehérsitope ijagresíva ha ipyʼahatã, péro mbaʼéichapa la Biblia oipytyvõ chupe okambia hag̃ua ha oreko hag̃ua esperánsa. Ehecha pe vidéo Akambia che mboka la Bíbliare.
Nde ha ne família ikatu pevyʼa ko áño 2024-pe, ha la Biblia ikatu penepytyvõ upearã. ¿Restudiasépa la Biblia gratiete? Upéicharõ, romokyreʼỹ eikuaave hag̃ua ore kúrso bíblicogui. Upépe reikuaavéta mbaʼéichapa Ñandejára ikatu omeʼẽ ndéve pyʼaguapy ha esperánsa koʼág̃ama voi, ha avei reikuaáta mbaʼérepa jaʼekuaa ‘ñaneraʼarõha heta mbaʼe porã’ (Jeremías 29:11).