Anton Petrus/Moment via Getty Images
¡PEÑATENDE PORÃKENA!
¿Oikótapa peteĩ gérra mundiál? ¿Mbaʼépa heʼi la Biblia?
Umi 30 áño ohasa vaʼekuépe umi hénte opensa heta país oĩva ko múndope, ndahaʼeiha la ojogueraha vaietereíva, inklusíve oĩ opensáva algúno país oñepyrũ hague ojogueraha porãve kuri. Péro koʼág̃a noñepensaveietéma upéicha. Jahechamína algúna notísia ohechaukáva mbaʼérepa:
“Heta hénte ojepyʼapy pe gérra oikóva Gázape iñasãirõ g̃uarã umi ótro paíspe, pórke pe frontéra del Líbanope oñepyrũma hína opuʼã ojuehe Israel ha Hizbulá” (Reuters, 6 de enero de 2024).
“Umi país oĩva Occidéntepe oreko peteĩ motívo pyahu hesápe oreko hag̃ua Iránpe. Pórke koʼág̃a Rusia ha China oapoja Iránpe ha umi grúpo armádo oĩva ipoguýpe oataka diferénte lugárpe. Ha avei degolpete Irán oñepyrũ jey ojapo umi árma nukleár” (The New York Times, 7 de enero de 2024).
“Rusia osegi oataka Ucrániape ha tuicha operhudika chupe” (UN News, 11 de enero de 2024).
“China oreko hetave pláta ha hetave podér militár, Taiwánpe umi hénte ifanatikove hetãre, ha China ha Estados Unidos katu ndojoguerahaporãi, entéro koʼã mbaʼére sapyʼaitépe ikatu hína ojeiko vaipa” (The Japan Times, 9 de enero 2024).
¿Mbaʼépa heʼi la Biblia umi situasión vaiete oikóvare ko múndope? ¿Oñepyrũta piko peteĩ gérra mundiál?
La Biblia heʼíma vaʼekue voi oikotaha koʼã mbaʼe
La Biblia ndopredesíri direktoite oikotaha umi gérra koʼág̃a oikóva. Péro si oprofetisa ojeiko vaitaha heta hendárupi, ha upéva oipeʼataha “pe pyʼaguapy ko yvy ape árigui” (Apocalipsis 6:4).
Lívro de Daniélpe ojepredesi “umi ára pahápe” umi país ipoderosovéva ‘ojoatakataha’ odominaségui ko múndo. Ojepredesi avei koʼã país ipoderosoitéva orekotaha heta ehérsito militár ha oipurutaha “umi tesóro” térã heta pláta umi gerrarã (Daniel 11:40, 42, 43).
Koʼẽrõite oikóta peteĩ gérra tuichaitereíva
La Biblia ohechauka ke amás ke ivai iporã ag̃ui hína. Jesús heʼi vaʼekue: “Upérõ oikóta peteĩ jehasa asy guasu. Ko múndo oñepyrũ guive koʼág̃a peve núnka ndoikóiva péicha” (Mateo 24:21). Pe “jehasa asy guasu” opávo oñepyrũta pe gérra hérava Armagedón. La Biblia heʼi ‘pe gérra oikotaha Ñandejára Todopoderóso ára guasúpe’ (Apocalipsis 16:14, 16).
Péro pe Armagedónpe noñehundimoʼãi ko yvy, síno ojesalváta. Upe gérra rupive Ñandejára ohundíta umi goviérno koʼag̃aguápe, pórke umi goviérno káusare ningo oiko hína heta gérra ndevaipa jepéva. Eikuaaséramo mbaʼéichapa pe Armagedón rupive ojehupytýta pyʼaguapy pára siémpre, ikatu elee koʼã artíkulo: