¿Oĩnepa peteĩ goviérno estávle ikatúva ogoverna ñane planéta? ¿Mbaʼépa heʼi la Biblia?

Entéro umi goviérno oĩva ko múndo tuichakuére heta iprovléma. Oĩ algúno haʼetévaicha la ijestávle miéva, péro umichagua paíspe jepe umi goviérno oñemotĩ oñeñeʼẽ vai rupi umi polítikore, ojeiko vaipa oĩ jave eleksión, umi polítiko voi noñontendéi, ha umi hénte ojapo manifestasión ivioléntova pe goviérno kóntrape.

Péro la Biblia omombeʼu ñandéve oĩha peteĩ goviérno si ijestávleva. Nde oime vaʼerã rehendúmava oñeñeʼẽ upe goviérnore. Upéva hína la Jesús heʼi vaʼekue jajerure hag̃ua pe padrenuéstrope.

• “Peẽ peñemboʼe vaʼerã péicha: ‘Ore Ru reiméva yvágape, toñembotuicha nde réra. Tou ne Rréino, tojejapo ne volunta ko yvy ape ári ojejapoháicha yvágape” (Mateo 6:9, 10).

¿Mbaʼépa la Biblia heʼi pe Rréinore?

Pe Rréino peteĩ goviérno estávle

Pe Rréino ogoverna yvága guive.

• Jesús heʼi vaʼekue ko goviérnore haʼeha “pe Rréino yvagapegua” (Mateo 4:17; 5:3, 10, 19, 20). Upéicha rupi heʼi kuri: “Che Rréino ndahaʼéi ko mundopegua” (Juan 18:36).

Pe Rréino opytáta umi goviérno umáno rekovia.

• La Biblia heʼi: “Ko rréino [...] omonguʼíta ha ohundíta enterove koʼã rréino [umáno], ha ko rréino añoite opytáta opa ára g̃uarã” (Daniel 2:44).

Pe Rréino ogovernáta Cristo Jesús, ha arakaʼeve ndopamoʼãi.

• La Biblia heʼi: “Haʼe ogovernáta opa ára g̃uarã ha irréino noñehundimoʼãi arakaʼeve” (Daniel 7:13, 14).

Pe Rréino oguerúta pyʼaguapy ha segurida ko yvy ape ári.

• La Biblia heʼi: “Umi hénte oguapýta iparrál máta guýpe ha hiʼígo máta guýpe, avave nomongyhyjemoʼãi chupekuéra” (Miqueas 4:4).

Eaprendeve pe Rréinogui

Jesús oĩrõ guare ko yvy ape ári oipuru meme vaʼekue itiémpo omombeʼu hag̃ua “umi notísia porã oñeʼẽva Ñandejára Rréinore” (Mateo 9:35). Ha heʼi vaʼekue avei:

• “Umi notísia porã oñeʼẽva Ñandejára Rréinore oñemombeʼúta oparupiete ko yvy ape ári, upe mensáhe ojekuaa hag̃ua entéro tetãrupi, ha upéi og̃uahẽta pe fin” (Mateo 24:14).

Koʼág̃arupi upe notísia porã oñeʼẽva Ñandejára Rréinore oñemombeʼúma mas de 240 paíspe. Roinvita reikuaave hag̃ua ko goviérnogui ha umi venefísio oguerútava ndéve g̃uarã.

Ehechamína pe vidéo hérava ¿Mbaʼépa hína Ñandejára Rréino?