¿Mbaʼérepa umi testígo de Jehová ovisita umi orekómavape irrelihión?

Rohechakuaa heta hénte orekómava irrelihión oñeʼẽseha la Bíbliare. Añetehápe, ore rorrespeta káda uno rrelihión, upévare ndoroovligái avavépe orerendu hag̃ua.

Roñemongeta jave rrelihión rehe roñehaʼãmbaite rojapo la Biblia heʼiháicha, roñeʼẽ “pyʼaguapýpe”, ha “rorrespeta ore pyʼaite guive” ore rapichakuérape (1 Pedro 3:15). Roikuaa oĩtaha nohendusemoʼãiva pe notísia roñeʼẽvare (Mateo 10:14). Péro ndoroikuaamoʼãi upéva ndorohói aja hendapekuéra. Ha ndahaʼéi voi upévante, umi hénte situasión okambia jepi, upévare ikatu ohenduséma ótro día.

Por ehémplo, peteĩ tapicha ndaikatúiva orerendu hembiapoiterei rupi ikatu ótro día oñatende orerehe. Térã ikatu oĩ ohasáva peteĩ situasión ijetuʼúva ha upévare oikuaase umi konsého oĩva la Bíbliape. Upéicha rupi rovisita jey jey umi héntepe.