¿Mbaʼérepa umi testígo de Jehová nohenóiri “iglésia” pe lugár oñembyatyhápe?

La Bíbliape pe ñeʼẽ griégo ojetradusíva “iglésia” heʼise hína kongregasión térã peteĩ hénte aty omombaʼeguasúva Ñandejárape, ndahaʼéi peteĩ lugár ojejapo hag̃ua rreunión.

Por ehémplo, apóstol Pablo oskrivírõ guare umi kristiáno Romaguápe, oguerahauka salúdo Áquila ha Priscílape, ha avei heʼi: ‘Pemomaitei avei pe iglésia oñembyatývape hógape’ (Romanos 16:5, Jesucristo Marandu Porã). Jaʼekuaa upéicharõ Pablo oguerahauka hague salúdo umi hénte oñembyatývape upe matrimónio rógape, ndahaʼéi pe lugár oñembyatyhápe hikuái.a

Upéicha rupi, rohenói rangue iglésia pe lugár roñembyatyhápe, rohenói “Salón del Reino”.

¿Mbaʼére oñehenói “Salón del Reino de los Testigos de Jehová” pe lugár oñembyatyhápe hikuái?

Heta mbaʼére ikatu roʼe opyta porãha rohenói upéicha pe lugár roñembyatyhápe. Por ehémplo:

• Pe lugár roñembyatyha haʼe peteĩ salón.

• Roñembyaty romombaʼeguasu hag̃ua Jehovápe ha roñeʼẽ hag̃ua hérape. La Biblia heʼi Ñandejára heraha Jehová (Salmo 83:18; Isaías 43:12).

• Roñembyaty avei roaprendeve hag̃ua Ñandejára Rréinogui, Jesús voi heta oñeʼẽ vaʼekue upévare (Mateo 6:9, 10; 24:14; Lucas 4:43).

Roinvita rehomi hag̃ua peteĩ Salón del Reino hiʼag̃uivévape nde rógagui, rehecha hag̃ua mbaʼéichapa umi testígo de Jehová ojapo irreunión.