MITÃRUSUKUÉRA OÑEPORANDÚVA JEPI
¿Mbaʼéichapa ikatu chepytyvõ la Biblia? Párte 2: Edisfruta eleévo la Biblia
Will heʼi: “La Biblia orekopa voi itéknika ojelee hag̃ua, ha ndereikuaáiramo ikatu voi repensa ijavurridoitereiha jalee”.
¿Eikuaasépa mbaʼe téknika reipuru vaʼerã redisfruta hag̃ua releévo la Biblia? Ko artíkulo nepytyvõta reikuaa hag̃ua umíva.
Eipuru ne imahinasión
Elee aja eñehaʼã eñeimahina reimeha voi upépe. Upearã ikatu rejapo koʼã mbaʼe:
Elehi peteĩ rreláto bíblico ndegustáva restudia hag̃ua. Por ehémplo ikatu reelehi peteĩ istória oĩva la Bíbliape, peteĩ párte oĩva umi 4 evanhéliope térã peteĩ audiodráma oĩva pe sítio jw.org-pe.
Elee pe rreláto. Ikatu relee ndete voi térã peñoturna pelee hag̃ua ne hénte térã ne amigokuérandi. Peteĩva ikatu olee haʼeramoguáicha la narradór ha umi ótro katu umi diferénte personáhe.
Etantea ejapo peteĩva térã mokõi koʼã suherénsiagui:
Edivuha mbaʼe mbaʼépa oiko pe istóriape. Ikatu voi redivuha rehóvo mbaʼe órdenpepa oñemombeʼu upe rreláto releéva hína. Ha káda divúho guýpe eskrivi mbaʼépa la oikóva.
Relee jave umi ehémplo porã oheja vaʼekue ñandéve Ñandejára siervokuéra yma guare, eskrivi mbaʼe kualidápa ohechauka vaʼekue hikuái, ha mbaʼéichapa Ñandejára ovendesi chupekuéra.
Ejapo peteĩ entrevístaicha. Por ehémplo ejapo pregúnta umi diferénte personáhe oĩvape pe istóriape. Térã “eentrevista” umi ohecha vaʼekuépe la oikóva.
Pe párte releévape peteĩva odesidi vaíramo, eñehaʼã eñeimahina mbaʼépa oiko vaʼerãmoʼã pe personáhe odesidírire ótra kósa. Por ehémplo ikatu rejapo upéva releévo pe párte Pedro onegárõ guare Jesúspe (Marcos 14:66-72). ¿Mbaʼéichapa ikatu vaʼerãmoʼã Pedro orreaksiona porãve?
Oiméramo nekyreʼỹ ha retantease álgo ipyahúva, ikatu reskrivi la istória ndete voi nde haʼeramoguáicha peteĩva umi personáhe prinsipál, ha ereko enkuénta pe rreláto relee vaʼekue la Bíbliagui. Ikatu remoĩ nde istóriape mbaʼe leksiónpa reaprende pe relee vaʼekuégui (Romanos 15:4).
Eipurúkena ne imahinasión relee jave la Biblia.
Einvestiga
Eñehaʼãramo einvestiga pe releéva retopáta heta detálle ideprovechoitereítava ndéve. Sapyʼánte ñainvestigáramo peteĩ térã mokõi palávra jepe pe jaleévagui, ñanepytyvõ ñantende hag̃ua heta mbaʼe iñimportánteva.
Por ehémplo ekomparami la heʼíva Mateo 28:7 Marcos 16:7-re.
¿Mbaʼérepa Márcospe heʼi, Jesús ojaparesetaha idisipulokuérape “ha Pédrope” avei?
Písta: Marcos ndaipóri vaʼekue upépe ojeʼérõ guare upéva, upéicharõ posívlemente Pedro omeʼẽ chupe pe informasión.
Jaheka óro kuʼi: ¿Mbaʼérepa oiméne Pedro ovyʼaite oikuaávo Jesús ohechase jeyha chupe? (Marcos 14:66-72). ¿Mbaʼéichapa Jesús ohechauka Pédrope haʼeha iñamigoite? ¿Mbaʼéichapa nde ikatu resegi Jesús ehémplo?
Relee jave la Biblia eipurúramo ne imahinasión ha einvestiga porã, ehecháta mbaʼéichapa redisfrutavéta nde lektúragui.