“Nacheviolentovéima yma guaréicha”

CHE REMBIASAKUE

Che anase vaʼekue Canadápe, peteĩ siuda héravape Calgary, opytáva Albértape. Chemichĩetépe che tuakuéra ojedivorsia vaʼekue, ha mama ha che rova roiko hag̃ua che avuelokuéra rógape. Haʼekuéra ohayhueterei vaʼekue mamáme ha chéve avei, ha che avyʼaiterei vaʼekue hendivekuéra. Koʼág̃a peve siémpre chemanduʼa mbaʼeichaitépa aiko porã vaʼekue hendivekuéra.

Arekórõ guare 7 áño, oñepyrũ vaʼekue ivai la pórte chendive. Mama omenda jey kuri che túare, ha upévare rova roiko hag̃ua hendive Estados Unídospe, peteĩ lugár héravape San Luis, opytáva Misúripe. Pyaʼe voi apilla che túa ijarheleterei hague raʼe. Por ehémplo, aju jeýrõ guare ógape pe che primer día de kláse areko vaʼekuégui rova rire, papa opilla oĩ hague algúno cheincháva ha chembyepotíva eskuélape. Haʼérõ guare chupe che ndajapói hague mbaʼeve añedefende hag̃ua, haʼe ipochyeterei ha hetavéntema chembyepoti chuguikuéra. Péicha haʼe chemboʼe guaʼu añedefende vaʼerãha, ha upéicha rupi arekórõ guare 7 áñonte añepyrũma vaʼekue aiko vai umi ótrondi.

Papa ijarheleterei vaʼekue. Mama katu ikuerairo vaʼekue upévagui, ha upévare siémpre ojodiskuti ha ojovoseámi vaʼerã hikuái. Upéi che añepyrũma aipuru dróga ha akaʼu arekópe 11 áño. Amás día cheviolentove vaʼekue ahávo, ha pyʼỹi añorairõmi vaʼerã ótrondi pe kállere. Aterminárõ guare che koléhio, che ja cheviolentoiterei devísioma vaʼekue.

Arekórõ guare 18 áño, aike pe ehérsito de la marína orekóvape Estados Unidos. Chakeko la chevioléntoma voi, upépe ja aaprendéma katu umi téknika ajuka hag̃ua la héntepe. Upéi 5 áño haguépe aheja pe ehérsito, ha aha fakultápe astudia hag̃ua sikolohía, pórke aikese vaʼekue pe FBI-pe. Añepyrũ vaʼekue astudia Estados Unídospe, péro upéi ava jey Canadápe ha asegi astudia upépe.

Pe fakultápe apensa vaʼekue desastreteha ko múndo. Oĩva entéro opensa ijehénte, naisentídoi la oiko lája, ha haʼetévaicha chéve umi provléma oĩva ko múndope núnka noñesolusionamoʼãiha. Apensa vaʼekue avave ndaikatuiha ojapo mbaʼeve omehora hag̃ua la situasión.

Chekuerái vaʼekue ko múndogui ha ndaikuaaséi mbaʼeve, upévare aiko vaʼekue akaʼu, ajedroga, ha aiko pláta ha kuña rapykuéri. Ahámi vaʼerã kuánto fiésta oĩvape guive, ha cherekovai kuánto kuña atopávandi. Ajeroviaʼi vaʼekue chejehe pórke areko pe entrenamiénto militár, ha upévare pyʼỹi avei aiko vaími vaʼerã ótrondi. Apensámi vaʼekue che ajapo vaʼerãha hustísia, ha upévare oĩramo otrata vaíva ótrope, aháma voi chupe. Péro la legálmente, péicha ivaivéntema la che pórte ha cheviolénto devísio vaʼekue.

LA BIBLIA CHEPYTYVÕ AKAMBIA HAG̃UA

Peteĩ vuéltape, roĩ kuri drogadoite ógape peteĩ che sósiondi, ha roprepara hína kuri peteĩ pakéte de mariguána rovende hag̃ua. Ha upépe, pe che sósio oporandu chéve chépa aguerovia Ñandejára oexistiha. Ha che haʼe chupe: “Oiméramo ikáusare la péicha ojesufri ko múndope, che ndaikuaaséi chugui mbaʼeve”. Al día sigiénte añepyrũ ambaʼapo peteĩ lugárpe, ha peteĩ che kompañéro de traváho haʼéva testígo de Jehová oporandu chéve: “¿Ndépa ere Ñandejára káusare la péicha ojesufriha ko múndope?”. Chesorprendeterei kuri la kuehénte che haʼe hague upéva, ha koestedía haʼe oporandúma chéve la mísma kósa. Upe guive 6 mésere heta roñemongeta, ha haʼe ohechauka chéve mbaʼéichapa la Biblia okontestapaite umi mbaʼe hetaite aikuaase vaʼekue.

Upe tiémpope che añakompaña vaʼekue peteĩ mitãkuñáre, péro haʼe ndoikuaaséi mbaʼeve la che aaprende vaʼekuégui hína. Peteĩ domingo amombeʼu chupe ainvita hague umi Testígope ou hag̃ua ógape rostudia hag̃ua la Biblia. Al día sigiénte, aju jeýrõ guare che travahohágui, atopa haʼe orahapaite hague ikosakuéra ha chereja rei. Chemanduʼa asẽ hague okápe, añepyrũ cherasẽ, ha añemboʼe Ñandejárape chepytyvõmínte hag̃ua. Upérõ guare primera ves aipuru Ñandejára réra, Jehová, añemboʼévo chupe (Salmo 83:18).

Dos día upe rire añepyrũ astudia la Biblia peteĩ matrimónio haʼévandi testígo de Jehová. Haʼekuéra oho rire, che apyta alee pe lívro roñepyrũ vaʼekue rostudia, hérava Usted puede vivir para siempre en el paraíso en la Tierra.a Ha una nóchepe aleepaitéma voi. La aaprendéva Ñandejára Jehovágui ha Itaʼýra Jesucrístogui, opokoiterei cherehe. Ahechakuaa Jehová ñandeporiahuverekoitereiha, ha ombyasyetereiha jasufri jave (Isaías 63:9). Opokoitereivéntema cherehe aikuaávo Ñandejára cherayhúgui ombou hague Itaʼýra omano hag̃ua cherehehápe (1 Juan 4:10). Upépe apensa Jehová ipasiénsia hague cherehe, pórke haʼe “ndoipotái avave oñehundi, síno oipota enterove oñarrepenti” (2 Pedro 3:9). Añandu voi Jehová chemoag̃ui hague ohóvo ijehe (Juan 6:44).

Upe semánapema voi añepyrũ aha umi rreuniónpe. Desástre la che pínta, cheakãrangue puku ha chenamichãimba ahávo, péro umi Testígo cherresivi haʼeramoguáicha peteĩ ihénte aretereíma ndohechavéi vaʼekue. Ahechakuaa haʼekuéra haʼeha kristiáno tee. Haʼetévaicha voi chéve ku aime jeýva che avuelokuéra rógape mbaʼe, oséa mehorve jey katu upévagui entéro.

Pyaʼe voi amehora ha akambia heta mbaʼépe astudia rire la Biblia. Ajepelukea, ndaikovéima cherekovai, ndaipuruvéima umi dróga ha ndakaʼuvéima (1 Corintios 6:9, 10; 11:14). Che aipotaiterei vaʼekue Jehová cheguerohory. Upévare káda ves ke aaprende ndogustaiha chupe algúna kósa che ajapo vaʼekue aikóvo, ndaikói vaʼekue amoĩ exkúsa. Upéva rangue, ambyasyeterei voi la añekomporta haguére aikóvo upéicha, ha apensa: “Núnka mas ndajapomoʼãvéima péva”. Ha upepete voi añehaʼãma akambia la ajapóva ha apensáva. Upéicha rupi, ensegída avei ahechakuaa tuichaiterei jaiko porãveha jajapóramo la kósa Jehovápe ogustaháicha. Upéi katu el 29 de julio de 1989, 6 mésente añepyrũ rire astudia la Biblia ajevautisáma oiko hag̃ua chehegui testígo de Jehová.

UMI MBAʼE PORÃ AHUPYTÝVA

La Biblia chepytyvõ akambiaite hag̃ua che lája ha mbaʼéichapa añekomporta. Ymave normálmente káda ke ajotopa peteĩ ndachetrataporãivandi, chéma katu cheviolénto ha arreaksiona hese. Péro koʼág̃a añehaʼãmbaite ‘aiko hag̃ua pyʼaguapýpe che rapichakuérandi’ (Romanos 12:18). Aikuaa porã péva ndajapoiha chejehegui reínte, síno Jehová la oipurúva pe podér orekóva Iñeʼẽ ha ijespíritu sánto chepytyvõ hag̃ua upearã (Gálatas 5:22, 23; Hebreos 4:12).

Ymave che aiko vaʼekue tódo el tiémpo ajedroga, cheviolénto ha cherekovai. Péro koʼág̃a katu añehaʼãmbaite aiko hag̃ua Ñandejára Jehová heʼiháicha, ha ajapo hag̃ua la ikatúva guive chupe g̃uarã. Por ehémplo, añehaʼã aipytyvõ ótrope oikuaa hag̃ua avei chupe. Unos kuánto áño ajevautisa rire, ava vaʼekue ótro paíspe apredika hag̃ua umi lugár oĩ haguépe saʼive la opredikáva. Heta áñorema aipytyvõ la héntepe oaprende hag̃ua la Biblia heʼíva ha péicha oiko porãve hag̃ua, ha avyʼaiterei ajapóvo upéva. Avyʼaiterei avei kuri che sýgui oikórõ guare testígo de Jehová, en párte pórke ohecha mbaʼeichaitépa che akambia kuri.

Áño 1999-pe aimérõ guare El Salvadórpe, aha pe eskuéla koʼág̃a héravape Eskuéla de Evanhelisadór. Upe eskuéla chembokatupyry ikatu hag̃uáicha agia avei ótrope opredika, omboʼe ha okuida porã hag̃ua pe kongregasiónre. Upe áñope aha rire pe eskuélape, amenda che rembireko ahayhuetévare. Haʼe héra Eugenia, ha koʼág̃a roservi hína de tiémpo kompléto pe predikasiónpe Guatemálape.

Anteve chekuerái jepe vaʼekue la vídagui ha ndaikuaasevéima mbaʼeve. Péro koʼág̃a katu sinséramente avyʼaiterei. Ajapo rupi la Biblia omboʼéva, cherekopotĩ, ndaikovéima cheviolénto, areko heta hénte cherayhúva ha aiko trankílo porã.