Nóta

c Umi lívro de Lucas ha Mateo omombeʼu umi tentasión diferénte órdenpe, péro Mateo omombeʼu pe órden oiko hagueichaite. ¿Mbaʼérepa jaʼe upéva? 1) Oñeʼẽvo pe segunda tentasión rehe Mateo oipuru pe palávra “upémarõ”, ha upéva heʼise oĩma hague peteĩ tentasión upe mboyve, péro Lucas ndojapói upéva. 2) Umi mokõi tentasiónpe, heʼívo: “Ndéramo añete Ñandejára raʼy”, Satanás ñemihaitépente heʼi chupe omboyke hag̃ua Jehová léi ha upe rire ae heʼi Jesúspe oadora hag̃ua chupe. Naisentidomoʼãi la Satanás heʼi chupe derechoite voi pe primera térã segunda tentasiónpe omboyke hag̃ua pe primer mandamiénto (Éx. 20:2, 3). 3) Avei isentidove la Jesús heʼi pe última tentasiónpe ae: “¡Tereho koʼágui Satanás!” (Mat. 4:5, 10, 11).