Jeremías
51 Péicha heʼi Jehová:
2 Amondóta Babilóniape umi omopotĩva semílla,
ha haʼekuéra ombovevéta chupe ha omonandietéta pe ijyvy.
Oúta hikuái opáguio ládo ikóntrape pe día oikotahápe sarambi.+
3 Umi oipurúva árko ha flécha Babilóniape, ndopoimoʼãi ni peteĩ flécha,
ha ni peteĩ umi isoldádo noñemboʼymoʼãi iñarmadúra reheve.
Aníke pembyasy umi mitãrusu oĩvape upépe.+
Pejukapaite umi isoldadokuérape.
4 Ha haʼekuéra hoʼáta omano umi caldeo yvýpe,
ojekutu vaíta chupekuéra umi ikallekuérape.+
5 Pórke Jehová, umi ehérsito yvagapegua ruvicha ndohejái Israel ha Judápe.+ Haʼekuéra ndopytái umi viúdaicha.
Péro umi caldeo yvy henyhẽ pekádogui Israel Jára* renondépe.
Ani pemano hembiapo vaikuére.
Pórke og̃uahẽ pe tiémpo Jehová oñevenga hag̃ua.
Haʼe okovra hína chupe umi mbaʼe ojapo vaʼekuére.+
7 Babilonia haʼe kuri peteĩ kópa de óro Jehová pópe,
Babilonia omongaʼu ko yvy kompletoitépe.
8 Peteĩ tesapirĩme Babilonia hoʼa ha ikuʼipaite.+
¡Pejaheʼókena hese!+
Pekonsegi aséite perfumádo* imbaʼasýpe g̃uarã, ikatu mbaʼe ningo okuera”.
9 “Ore roñehaʼã romonguera Babilóniape, péro ndaikatúi kuri okuera.
Peheja chupe ha jaha jey káda uno ñande yvy teépe.+
Umi mbaʼe ojapo vaʼekue ha omereséva ojehusga og̃uahẽma yvága peve,
umi araícha voi ijyvate.+
10 Jehová ojapo hustísia ñandéve g̃uarã.+
Peju ñamombeʼu Siónpe umi mbaʼe ojapo vaʼekue Ñandejára Jehová”.+
11 “Pembohakua ha pembovera pende flécha,+ pejagarra pende eskúdo apuʼa.
Jehová omoĩma upéva umi medokuéra rréi korasõme,+
pórke haʼe ohundise Babilóniape.
Pórke péicha Jehová oñevenga hína, oñevenga itémplore.
12 Pemopuʼã peteĩ señál*+ Babilonia murallakuéra kóntrape.
Pembohetave umi guárdia, pemoĩ umi guárdia hendag̃uáme oñatende hag̃ua.
Peprepara umi opeskátavape umi babilóniore.
Pórke Jehová okalkuláma mbaʼépa ojapóta hesekuéra,
ha okumplíta upe opromete vaʼekue umi Babiloniagua kóntrape”.+
13 “Nde kuña reguapýva heta y ári,+
reguerekóva heta tesóro,+
og̃uahẽma ne fin ha og̃uahẽma avei huʼãme umi negósio rejapóva.+
14 Jehová, umi ehérsito yvagapegua ruvicha ohura hérare:*
‘Romyenyhẽta kuimbaʼégui, ha hetaitereíta hikuái umi tukúicha,
ha haʼekuéra osapukáita negana haguére’.+
15 Haʼe hína pe ojapo vaʼekue ko yvy ipodér rupive,
Haʼe iñarandu rupi omohenda porã ko yvy oprodusi porãitéva,+
16 Haʼe ohenduka jave iñeʼẽ,
umi y yvagapegua okororõ ha ipochy,
haʼe oipota rupi, umi y ojupi yvágape mombyryvehágui ko yvýgui oiko hag̃ua chugui umi arai.
17 Enterove kuimbaʼe itavy ha ndoikuaái mbaʼeve.
Enterove umi erréro oñemotĩta ojapo haguére umi taʼanga,+
pórke umi taʼanga de metál ojapóva ndahaʼéi mbaʼeve,
18 Umíva ndovaléi mbaʼeverã,*+ ojejapo oñeñembohory hag̃uánte hesekuéra.
Og̃uahẽ vove pe día ojehusga hag̃ua chupekuéra, oñehundíta hikuái.
19 Péro Jacob Jára ndahaʼéi hína haʼekuéraicha,
pórke haʼe hína opa mbaʼe Apohare.
Haʼe ojapo vaʼekue pe párte iporãvéva iñerénsiagui.+
Haʼe héra hína Jehová, umi ehérsito yvagapegua ruvicha”.+
20 “Chéve g̃uarã ningo nde peteĩ garróte de gérra, peteĩ árma oñeñorairõ hag̃ua,
pórke nderehe ajevaléta amonguʼi hag̃ua umi tetã,
ha ahundi hag̃ua umi goviernokuéra.
21 Nderehe ajevaléta amonguʼi hag̃ua umi kavaju ha umi hiʼariguápe.
Ajevaléta nderehe amonguʼi hag̃ua umi kárro de gérra ha umi ohóvape pype.
22 Ajevaléta nderehe amonguʼi hag̃ua kuimbaʼe ha kuñáme.
Ajevaléta nderehe amonguʼi hag̃ua pe itujáva ha imitãvape.
Ajevaléta nderehe amonguʼi hag̃ua umi mitãrusu ha mitãkuñáme.
23 Ajevaléta nderehe amonguʼi hag̃ua pe pastór ha ijovechakuérape.
Ajevaléta nderehe amonguʼi hag̃ua pe kokueséro ha umi hymbakuéra oipurúvape oara hag̃ua.
Ajevaléta nderehe amonguʼi hag̃ua umi governadór ha umi autoridápe.
24 Ha akovráta Babilóniape ha umi oikóvape Caldéape
entéro mbaʼe vai ojapo vaʼekuére Siónpe pene renondépe”,+ heʼi Jehová.
25 “Nde, montáña oporohundíva, nde rehundíva ko yvy kompletoite,+
ápe aime hína ne kóntrape”,+ heʼi Jehová.
“Aipurúta che podér ne kóntrape ha romboapajeréita yvate guive umi ita árigui
ha ajapóta ndehegui peteĩ montáña oñehundiete vaʼekue ojehapy haguére tatápe”.
26 “Umi hénte ndoguerahamoʼãi ndehegui ni peteĩ ita prinsipál,* ni peteĩ ita guasu simientorã,
pórke repytáta nandi pára siémpre”,+ heʼi Jehová.
27 “Pemopuʼã peteĩ señál* pe paíspe.+
Pembopu peteĩ turu umi tetãnguéra apytépe.
Peiporavo* umi tetãnguéra oñorairõtava ikóntrape.
Pehenoika ikóntrape umi goviérno de Ararat,+ Miní ha Askenaz.+
Pemoĩ ikóntrape peteĩ ofisiál orreklutáva soldadorã.
Pemboarriva umi kavaju umi tuku atýraicha.*
28 Peiporavo* umi tetã opuʼãtava ikóntrape:
umi rréi de Media,+ igovernadorkuéra ha enterove umi ijautoridakuéra
ha kompletoite umi território haʼekuéra ogovernáva.
29 Ha pe yvy oryrýi ha okuʼepáta,
pórke Jehová ojapóta umi mbaʼe opensáva Babilonia kóntrape,
ojapo hag̃ua Babilóniagui peteĩ lugár ojekyhyjeha, ha avave ndoikomoʼãi upépe.+
30 Babilonia gerrerokuéra noñorairõvéima.
Haʼekuéra oguapy umi lugár isegúro porãva ári.
Naimbaretevéima hikuái.+
Kuñáicha okyhyje hikuái.+
Umi hogakuéra ojehapypa.
Umi hokẽ trankakuéra oñemopẽmba.+
31 Odipara peteĩ mensahéro ojotopa hag̃ua ótro mensahérondi,
ha ótro mensahéro odipara avei ojotopa hag̃ua peteĩ mensahérondi
omombeʼu hag̃ua rréi de Babilóniape isiuda ojejagarráma hague opáguio ládo.+
32 Avei ojejagarra hague umi ysyry ojekrusaha,+
umi kanóa* ojehapypaitemaha,
ha umi soldadokuéra okyhyjetereiha”.
33 Pórke péicha heʼi Israel Jára Jehová, umi ehérsito yvagapegua ruvicha:
“Babilonia ojogua pe lugár oñemopotĩháme semílla.
Koʼág̃a oñepyrũmbaite vaʼerã upe lugár rehe hatã hag̃ua.
Koʼẽrõitéma og̃uahẽta pe kosécha tiémpo chupe g̃uarã”.
Haʼe chemombo peteĩ mbaʼyru nandícha.
Haʼe chemokõ peteĩ mbói guasúicha,+
hyg̃uatã umi mbaʼe porã che aguerekóvape.
Haʼe chepeʼa* che lugárgui.
35 ‘¡Umi mbaʼe vai ojejapo vaʼekue cherehe ha che retére tojejapo Babilóniare!’, heʼi umi oikóva Siónpe.+
‘¡Ha che ruguy oñeñohẽ vaʼekue tou umi Caldeagua ári!’, heʼi Jerusalén”.
36 Upévare péicha heʼi Jehová:
Ambohypáta pe imár ha ambohypáta iposokuéra.+
umi hénte okyhyjeterei ha oñakãmbovaváta* ohechávo umi mbaʼe oikóva hese,
ha avave ndoikomoʼãvéima upépe.+
38 Enterove okororõta oñondivepa umi león raʼyrusúicha.
Okororõta umi león raʼýicha”.
39 “Iñakãraku vove hikuái, che ajapóta chupekuéra peteĩ karu guasu ha amongaʼupáta chupekuéra
ovyʼa hag̃ua.+
Upéi okéta hikuái areterei,
ha ndopaymoʼãvéima”,+ heʼi Jehová.
40 “Ambovaheáta chupekuéra umi ovecha raʼyrusu ojeguerahávaicha ojejuka hag̃ua,
ojoguáta umi ovecha mácho osegívape umi kavarápe”.
41 “¡Maʼẽmína mbaʼéichapa ojejagarra Sesac!*+
¡Pemaʼẽmína mbaʼéichapa ojejagarra pe siuda oñemombaʼeguasuetéva ko yvy tuichakuére!+
¡Mbaʼeichaitépa oiko Babilóniagui peteĩ lugár okyhyjeha umi tetãnguéra!
42 Pe mar ohasapa Babilonia ári.
Umi oláda heta ha tuichaicháva ojagarrapa chupe.
43 Umi isiudakuéragui oikóta peteĩ lugár ojekyhyjeha, peteĩ yvy isékova ha peteĩ desiérto.
Peteĩ yvy avave oikoʼỹháme ha ni peteĩ kuimbaʼe ndohasamoʼãi upérupi.+
Hendápe ndohomoʼãi umi tetãnguéra,
ha Babilonia murálla hoʼáta.+
45 ¡Pesẽke chugui che puévlo!+
¡Jehová ipochyeterei hína,+ pediparáke pende rekove* rehehápe+ ani ág̃a penderupyty!
46 Ani pendepyʼaju ni pekyhyje umi notísia oñehendútavagui pe paíspe.
Ág̃a un áñope og̃uahẽta pe notísia,
ha pe sigiénte áñope og̃uahẽta ótra notísia,
omombeʼúva oikoha violénsia ko yvy ape ári ha umi governánte opuʼãha ótro governántere.
47 Upévare, ¡pemañami! Og̃uahẽ hína umi día
ahunditaha umi dios raʼanga oĩva Babilóniape.
Kompletoite pe ijyvy oñemotĩta,
ha upépe ojepysóta enterove umi omano vaʼekue.+
48 Pe yvága ha yvy ha opa mbaʼe oĩva pype
osapukáita vyʼágui ág̃a Babilonia hoʼa vove,+
pórke umi oporohundíva oúta chupekuéra nórteguio ládo”,+ heʼi Jehová.
49 “Babilonia káusare heta oĩ omanóva Israélpe,+
ha Babilóniape avei ojejuka hetaiterei ou vaʼekuépe umi ótra nasióngui.
50 Peẽ pejesalva vaʼekue espádagui, pesegi katu pende rape, ¡ani pepyta!+
Penemanduʼákena Jehováre mombyry guive,
ha pepensa Jerusalén rehe”.+
51 “Ore ropyta roñemotĩ, pórke rohendu umi oñembohorývape.
Ojekuaa ore rováre roñemotĩ hague,
pórke og̃uahẽma umi extranhéro* umi lugár sagrádo oĩvape Jehová rógape”.+
52 Jehová heʼi: “Og̃uahẽta hína umi día
ahunditaha umi dios raʼanga oĩva upépe,
ha iterritório tuichakuére ojaheʼóta pe ojekutu vaʼekue”.+
53 “Babilonia ojupíramo jepe yvágape,+
omombaretéramo jepe umi lugár isegúro porãva ha tuichaitéva orekóva,
che amondóta umi ohundi vaʼerã chupe”,+ heʼi Jehová.
54 “¡Pehendu mbaʼeichaitépa ojesapukái Babilóniape!+
Oñehendu oikoha sarambi guasu umi caldeo territóriope,+
55 pórke Jehová ohundi hína Babilóniape,
haʼe omokirirĩta pe tyapu guasu haʼe ojapóva,
ha pe tyapu ojapóva umi iñenemigokuéra ojoguáta umi oláda pochýpe.
Oñehendúta chupekuéra oñeʼẽramo.
56 Pórke pe oporohundíva oúta Babilonia kóntrape,+
umi igerrerokuéra ojejagarráta,+
umi hiʼárko ha iflechakuéra oñehundipáta.
Pórke Jehová haʼe peteĩ Dios ndohejareimoʼãiva umi mbaʼe ojapóva káda uno.+
Katuete okovráta chupekuéra.+
57 Amongaʼúta umi iprinsipekuéra ha umi iñarandúva oĩva upépe,+
umi igovernadór, umi ijautoridakuéra ha umi igerrerokuérape,
haʼekuéra okéta pára siémpre
ha ndopaymoʼãvéima”,+ heʼi pe Rréi hérava Jehová, umi ehérsito yvagapegua ruvicha.
58 Péicha heʼi Jehová, umi ehérsito yvagapegua ruvicha:
“Babilonia murálla ipéramo jepe, ojeitypaitéta,+
ha umi hokẽnguéra ijyvatéramo jepe, ojehapypaitéta.
Umi puevlokuéra ombaʼapo pohýi reíta,
umi tetãnguéra ikaneʼõta ojatapyhápe hese”.+
59 Péicha heʼi proféta Jeremías omandárõ guare Seráyape, haʼéva Nerías+ raʼy ha Mahseya niéto. Upérõ Seraya oho kuri Babilóniape rréi Sedequías de Judá ndive, pe cuarto áño haʼe ogovernahápe, ha Seraya haʼe vaʼekue pe oñenkargáva pe rréi kosakuérare. 60 Jeremías oskrivi peteĩ lívrope entéro mbaʼe vai oikóta vaʼekue Babilóniare, entéro koʼã mbaʼe ojeʼe vaʼekue Babilonia kóntrape. 61 Jeremías heʼi avei Seráyape: “Ág̃a reg̃uahẽ vove Babilóniape ha rehecha vove pe siuda, elee vaʼerã hatã porã entéro koʼã mbaʼe. 62 Upéi ere vaʼerã: ‘Jehová, nde ningo ere kuri ko lugár rehe oñehunditaha ha avave ndoikomoʼãiha pype, ndaiporimoʼãiha pype yvypóra ni animál ha opytataha nandi vera pára siémpre’.+ 63 Ha ág̃a releepa rire ko lívro, eñapytĩ hese peteĩ ita ha emombo pe Rrío Éufrates mbytépe. 64 Upépe ere vaʼerã: ‘Péicha Babilonia ohóta y ruguápe, ha arakaʼeve nopuʼãmoʼãvéima,+ pórke Ñandejára oguerúta mbaʼe vai hiʼári, ha umi oikóva upépe ikaneʼõta’”.+
Péicha opa Jeremías heʼi vaʼekue.