¿Ikatu piko oikove jey umi omano vaʼekue?

MBAʼÉPA HEʼI LA BIBLIA

‘Oñemoingove jeýta umi ihústova ha iñinhústovape’ (Hechos 24:15, Ñandejára Ñeʼẽ La Biblia Traducción del Nuevo Mundo).

MBAʼÉICHAPA UPÉVA OU PORÃTA NDÉVE

Omanóramo peteĩ rehayhúva retopáta konsuélo (2 Corintios 1:3, 4).

Ndereikomoʼãi rekyhyje remanórõ g̃uarã (Hebreos 2:15).

Rerekóta esperánsa añetehápe rehecha jeytaha umi rehayhúvape (Juan 5:28, 29).

¿IKATÚPA JAGUEROVIA LA BIBLIA HEʼÍVA?

Si, jahechamína mbaʼérepa:

• Ñandejára hína entéro mbaʼe Apohare. La Biblia heʼi Ñandejára ‘omeʼẽha la vída enterovépe’ (Salmo 36:9; Hechos 17:24, 25). Jaʼekuaa Ñandejára ikatuha omoingove jey umi omano vaʼekuépe pórke haʼe omeʼẽ la vída entéro mbaʼe oikovévape.

• Yma Ñandejára ohechaukáma ikatuha oporomoingove jey. La Biblia omombeʼu oñemoingove jey hague 8 persónape, umíva apytépe imitãva, ijedáva, kuimbaʼe ha kuña. Algúnope oñemoingove jey omano riremínte, ha ótrope katu 4 día omano riréma (Juan 11:39-44).

• Ñandejárape hiʼãitereíma oporomoingove jey. Jehová ndaijaʼéi pe ñemanóre, heʼi voi haʼeha iñenemígo (1 Corintios 15:26). Haʼe ohundise ko enemígope omoingove jeývo umi omanóvape. Ñandejárape hiʼãitereíma ojapo upéva ikatu hag̃uáicha ohecha jey chupekuéra oikoha vyʼápe ko yvy ape ári (Job 14:14, 15).