PE VISIÓN ELISEO OHECHA VAʼEKUE

¿Mbaʼépa Jehová opensa Eliseo ojerurévare? La Biblia omombeʼu mbaʼépa oiko upéi: “Haʼekuéra oguata ha oñeʼẽ aja oñondive, upeichaháguinte ou sapyʼa peteĩ kárro [hendýva], kavaju [hendýva] reheve avei, oipeʼáva chupekuéra ojuehegui ha Elías ojehupi yvágape peteĩ yvytu ratãme”. Ha Eliseo ohecha upéva.a Upéicharõ jahecha Jehová omeʼẽ hague chupe pe ojeruréva. Eliseo ohecha Elías ohóvo, oñemeʼẽ chupe dos párte ijespíritugui ha opyta profétaramo Elías rekovia (2 Rey. 2:11-14).

Oiméne Eliseo ipirĩmba ohechárõ guare pe kárro ha umi kavaju hendypáva Elías ojeguerahávo pe yvytu atãme. Koʼã mbaʼe ningo ndoikóiva jepi. Péro upéicha ojekuaa Jehová omeʼẽha chupe umi mbaʼe ojerure vaʼekue. Koʼág̃arupi, Jehová nombohovái ñane ñemboʼe ohechaukávo ñandéve koʼãichagua visión, péro ñande ikatu jahechakuaa haʼe orekoha tuicha podér ojapo hag̃ua hembipota. Jahechávo mbaʼéichapa ovendesi iñorganisasión ko yvy arigua, ñanepytyvõ ‘jahechakuaa’ hag̃ua mbaʼéichapa osegi oñemomýi ikárro yvagaygua (Ezeq. 10:9-13).