LEKSIÓN 55
Eipytyvõ ne kongregasiónpe
Ko múndo tuichakuére Jehová siervokuéra vyʼápe oservi chupe ikongregasiónpe. Ha enterovéva oagradese umi instruksión ha gía orresivíva. Avei oipytyvõseterei voi ikatumiháicha kongregasiónpe. ¿Ndépa reñeñandu avei péicha ne kongregasiónpe?
1. ¿Mbaʼéichapa ikatu reipuru ne tiémpo ha ne mbaretekue?
Enterovéva ikatu ñamoĩ ñande párte ñaipytyvõ hag̃ua kongregasiónpe. Por ehémplo, ¿oĩpa algún ermáno ijedámava térã hasykatúva? ¿Ikatúpa regueraha chupe rreunionhápe? ¿Ikatúpa eho ejogua chupe umi mbaʼe oikotevẽva? ¿Ikatúne piko eho emopotĩmi chupe hóga? (Elee Santiago 1:27). Ikatu avei ñamopotĩ pe Salón del Reino térã ñaipytyvõ ojejapo hag̃ua chupe mantenimiénto. Avave nañandeovligái jajapo hag̃ua koʼã mbaʼe, síno kyreʼỹme jajeofrese jajapo hag̃ua pórke jahayhu Ñandejárape ha ñane ermanokuérape (Salmo 110:3).
Umi Testígo ojevautisámava ikatu avei oipytyvõ kongregasiónpe hetave hendáicha. Por ehémplo, umi ermáno okalifikávape ikatu oñenombra siérvo ministeriál ha tiémpo rire ansiáno. Ha enterovéva, tahaʼe ermáno térã ermána, ikatu oñehaʼã opredikave ha ojagarra iprekursorádo. Oĩ avei umi oipytyvõva oñemopuʼã hag̃ua Salón del Reino térã Salón de Asambléa, ha ótro katu ova peteĩ kongregasión oĩvehápe nesesida.
2. ¿Mbaʼéichapa ikatu jaipuru ñande pláta ha umi mbaʼe jarekóva?
Ñande ikatu ‘ñamombaʼeguasu Jehovápe ha ñameʼẽ chupe umi mbaʼe iporãvéva jarekóva’ (Proverbios 3:9). Upévare javyʼaiterei ikatu haguére ñameʼẽ ñane kontrivusión ha jaipuru umi mbaʼe jaguerekóva jaapoja hag̃ua ñane kongregasión ha pe predikasión ojejapóva ko múndo tuichakuére (elee 2 Corintios 9:7). Ñane kontrivusión ojepuru jepi avei umi lavór de sokórrope g̃uarã. Oĩ heta ojepokuaáva ‘omboyke álgo la orekóvagui’ omeʼẽ hag̃ua ikontrivusión (elee 1 Corintios 16:2). ¿Mbaʼéichapa ikatu ñakontrivui? Ikatu ñamoĩ umi káha de kontrivusión oĩvape umi lugár de rreunión ha asambleahápe. Ha avei ikatu jajapo Internet rupive: donate.jw.org. Jehová omeʼẽ ñandéve la oportunida jaipuru hag̃ua ñande pláta ha umi mbaʼe jarekóva jahechauka hag̃ua jahayhuha chupe.
EJEPYʼAMONGETAMÍNA
Jahechamína mbaʼéichapa nde ikatu reipytyvõ ne kongregasiónpe.
3. Ikatu jaipuru umi mbaʼe jarekóva
Jehová ha Jesús ohayhu umi omeʼẽvape ikontrivusión ipyʼaite guive. Por ehémplo Jesús oponderaiterei vaʼekue ohechárõ guare peteĩ viúda mboriahumi oñehaʼãmbaiteha omeʼẽ hag̃ua ikontrivusión. Elee Lucas 21:1-4, ha upéi erresponde koʼã porandu:
¿Tekotevẽpa ñakontrivui heta Jehová ñandeguerohory hag̃ua?
¿Mbaʼéichapa oñeñandu Jehová ha Jesús ñameʼẽvo ñane kontrivusión ñande pyʼaite guive?
Jaikuaa hag̃ua mbaʼéichapa ojepuru umi kontrivusión ñameʼẽva, ehecha pe VIDÉO. Upéi erresponde ko porandu:
¿Mbaʼéichapa umi kontrivusión ñameʼẽva oipytyvõ umi kongregasión oĩvape ko múndo tuichakuére?
4. Ikatu jajeofrese ñaipytyvõ hag̃ua
¿Mbaʼéichapa Ñandejára siervokuéra yma guare okontrivui vaʼekue? Haʼekuéra ndahaʼéi pláta añónte omeʼẽva síno oipytyvõ vaʼekue hetave hendáicha. Elee 2 Crónicas 34:9-11, ha upéi erresponde ko porandu:
¿Mbaʼéichapa umi israelita oñangareko vaʼekue Jehová rógare haʼéva pe lugár ojeadorahápe chupe?
¿Mbaʼéichapa umi testígo de Jehová osegi ko ehémplo bíblico? Ehecha pe VIDÉO, ha upéi erresponde koʼã porandu:
¿Mbaʼérepa iñimportantete ñamopotĩ ha jajapo mantenimiénto umi Salón del Réinope?
¿Mbaʼe mbaʼépa nde ikatu rejapo reipytyvõ hag̃ua?
5. ¿Mbaʼépa ikatu ojapo kuimbaʼekuéra orekove hag̃ua rresponsavilida kongregasiónpe?
La Biblia omokyreʼỹ umi kuimbaʼe kristiánope oprogresa hag̃ua Jehová servísiope, ikatu hag̃uáicha oipytyvõ porãve kongregasiónpe. Jahechamína peteĩ ehémplo. Ehecha pe VIDÉO, ha upéi erresponde ko porandu:
¿Mbaʼe mbaʼépa ojapo raʼe Ryan oipytyvõ porãve hag̃ua kongregasiónpe?
La Biblia heʼi mbaʼe mbaʼépa oñehaʼarõ umi ermánogui oiko hag̃ua chugui siérvo ministeriál ha ansiáno. Elee 1 Timoteo 3:1-13, ha upéi erresponde koʼã porandu:
¿Mbaʼe mbaʼépa heʼi la Biblia ojapo vaʼerãha peteĩ ermáno oiko hag̃ua chugui siérvo ministeriál térã ansiáno?
¿Mbaʼépa oñehaʼarõ avei hembireko ha ifamíliagui? (Ehecha jey versíkulo 4 ha 11).
¿Mbaʼéichapa oipytyvõ kongregasiónpe umi ermáno oñehaʼãmbaitéva okumpli umi rrekisíto?
OĨRAMO OPORANDÚVA: “¿Mbaʼéichapa umi testígo de Jehová opaga umi gástore?”.
¿Mbaʼépa errespondéne chupe?
RRESÚMEN
Jehová ovaloraiterei ohechávo mbaʼéichapa jaipuru ñane tiémpo, ñane mbaretekue, ha umi mbaʼe jarekóva ñaipytyvõ hag̃ua kongregasiónpe.
Rrepáso
¿Mbaʼéichapa ikatu jaipuru ñane tiémpo ha ñane mbaretekue ñaipytyvõ hag̃ua kongregasiónpe?
¿Mbaʼéichapa ikatu jaipuru ñande pláta ha umi mbaʼe jarekóva ñaipytyvõ hag̃ua kongregasiónpe?
¿Mbaʼe mbaʼépa rejapose reipytyvõ hag̃ua ne kongregasiónpe?
EINVESTIGA HAG̃UA
Ehecha mbaʼérepa Ñandejára ndojerurevéima isiervokuérape omeʼẽ hag̃ua pe diésmo.
“¿Mbaʼépa heʼi la Biblia pe diésmore?” (Artíkulo oĩva jw-pe)
La Biblia heʼi oĩha rresponsavilida oñemeʼẽva umi kuimbaʼe ojevautisávape. Péro, ¿mbaʼépa oikóta tekotevẽramo peteĩ ermána oñatende peichagua rresponsavilidáre?
“¿Mbaʼe autoridápa oreko ansianokuéra kongregasiónpe?” (Ñemañaha febrero de 2021)
Ehechamína mbaʼéichapa unos kuánto ermáno ipyʼaguasu ha ojesakrifika ogueroja hag̃ua umi puvlikasión.
Mbaʼéichapa oñemog̃uahẽ ñane puvlikasionkuéra umi território oĩvape Cóngope (4:25)
Ehechamína mbaʼépepa idiferénte umi testígo de Jehová opaga lája umi gástore oimeraẽ ótra rrelihióngui.
“¿Mbaʼéichapa umi testígo de Jehová opaga umi gástore?” (Artíkulo oĩva jw-pe)