Jaiporavókena umi diversión ogustáva Jehovápe

Jehová ningo ‘Ñandejára ovyʼáva’ (1 Timoteo 1:11). Haʼe oipota ñande avei javyʼa ha jajediverti, ha ovyʼaiterei voi ohechávo ñamboykeha tiémpo japytuʼumi hag̃ua ñande traváhogui. Ko leksiónpe jahecháta mbaʼéichapa ikatu jahasa porã ha jajediverti, ha avei mbaʼéichapa ikatu jaelehi umi diversión ombovyʼáva Jehovápe.

1. ¿Mbaʼépa jareko vaʼerã enkuénta jaiporavóta jave umi diversión?

¿Mbaʼépa nde rejapo jepi ndelívre jave térã repytuʼumi hag̃ua? Oĩ algúno opytasénteva hógape trankílo porã olee peteĩ lívro, ohendu músika, ohecha pelíkula térã oike Internétpe. Ótro katu ohasase tiémpo iñamigokuérandi, osẽ oguata hendivekuéra, oho arrójope térã ohuga. Tahaʼe haʼéva upe nde rejapóva, rejasegura vaʼerã ‘oĩ porãpa térãpa oĩ vai ñande Ruvichápe g̃uarã umi mbaʼe rejapóva’ (Efesios 5:10). Upéva iñimportánte pórke oĩ hetaiterei diversión Jehovápe ombojeguarúva ohechaukágui violénsia, mbaʼe tieʼỹ térã espiritísmo (elee Salmo 11:5). ¿Mbaʼépa ikatu ñanepytyvõ jaiporavo porã hag̃ua umi diversión?

Jaelehíramo ñane amigorã umi ohayhúva Jehovápe, haʼekuéra ikatúta ñanepytyvõ jaiporavo porã hag̃ua umi diversión. Jahecháma haguéicha leksión 48-pe “pe oiko meméva umi iñarandúvandi iñarandúta avei”, péro pe ohasaitereíva tiémpo umi persóna ndohayhúivandi Jehovápe “osẽ vaíta” (Proverbios 13:20).

2. ¿Mbaʼérepa iñimportánte ñañatende mboy tiémpopa jaipuru jajediverti hag̃ua?

Iñimportánteramo jepe jaiporavo umi diversión ogustáva Jehovápe, tekotevẽ avei ñañatende pono hoʼupa ñandehegui ñane tiémpo ha upévare ndaikatuvéi jajapo umi mbaʼe iñimportantevéva. La Biblia omeʼẽ voi ñandéve ko konsého: “Peipuru porãke pene tiémpo” (elee Efesios 5:15, 16).

EJEPYʼAMONGETAMÍNA

Jahechamína mbaʼéichapa nde ikatu reiporavo porã ne diversionrã.

3. Emboykékena umi diversión ikatúva ndeperhudika

¿Mbaʼérepa jaiporavo porã vaʼerã umi diversión? Ehecha pe VIDÉO, ha upéi erresponde koʼã porandu:

VIDÉO: ¿Mbaʼeichagua diversiónpa aiporavo vaʼerã? (4:39)

• ¿Mbaʼépepa ojojogua umi gladiadór yma guare ha umi diversión oĩva koʼág̃arupi?

• Ohechaukaháicha pe vidéope, ¿mbaʼépa oaprende raʼe Dani?

Elee Romanos 12:9, ha upéi erresponde ko porandu:

• ¿Mbaʼéichapa ko téxto ikatu nepytyvõ reiporavo porã hag̃ua ne diversionrã?

¿Mbaʼe mbaʼépa ndogustaiete Jehovápe? Elee Proverbios 6:16, 17 ha Gálatas 5:19-21. Eleepa rire káda téxto erresponde ko porandu:

• Entéro umi mbaʼe oñemensionávagui ko téxtope, ¿mavaitévapa umíva apytépe ojehechave jepi umi diversiónpe koʼág̃arupi?

¿Mbaʼéichapa ikatu reiporavo porã ne diversionrã?

Eñeporandumína:

• ¿Orekópa álgo ndogustaietéva Jehovápe?

• ¿Hoʼúpa chehegui che tiémpo ikatúva aipuru ajapo hag̃ua álgo iñimportantevéva?

• ¿Ahasa vaʼerãpa heta tiémpo umi persóna ndohayhúivandi Jehovápe?

Ñaime hag̃ua segúro, tekotevẽ ñañemomombyry ikatúva entéro pe pelígrogui. Upévare ñamboykete vaʼerã oimehaichagua diversión ñapensáva ikatuha ñandeperhudika

4. Eipuru porãkena ne tiémpo

VIDÉO: ¿Mbaʼépepa reipuru hína ne tiémpo? (2:45)

• Pe ermáno ojekuaáva pe vidéope ndohechái hína kuri mbaʼeve ivaíva, ¿péro mbaʼépa hína raʼe la provléma?

Elee Filipenses 1:10, ha upéi erresponde ko porandu:

• ¿Mbaʼéichapa ko téxto ikatu ñanepytyvõ jadesidi hag̃ua mboy tiémpopa jaipurúta jajediverti hag̃ua?

5. Eiporavókena umi diversión ojapo porãtava nderehe

Oĩramo jepe heta diversión ivaíva, oĩ avei heta iporãva ha ogustáva Jehovápe. Elee Eclesiastés 8:15 ha Filipenses 4:8, ha upéi erresponde ko porandu:

• Oĩ heta diversión iporãva, ¿mavaitévapa umíva apytégui ndéve ndegustave?

RRESÚMEN

Jehová oipota javyʼakuaa ha jaiporavo umi diversión iporãva.

Rrepáso

• ¿Mbaʼeichagua diversiónpa kristianokuéra ñamboykete vaʼerã?

• ¿Mbaʼérepa ñañatende vaʼerã ani hag̃ua umi diversión hoʼupa ñandehegui ñane tiémpo?

• ¿Mbaʼérepa nde reiporavose umi diversión ogustáva Jehovápe?

EINVESTIGA HAG̃UA

¿Ikatúpa ótra persóna oiporavo ñandéve ñane diversionrã?

“¿Umi testígo de Jehová piko oreko peteĩ lísta oĩháme mbaʼeichagua pelíkula, lívro térã músikapa ojeproivi chuguikuéra?” (Artíkulo oĩva jw-pe)

Ehechamína mbaʼépa ikatu nepytyvõ reiporavo porã hag̃ua ne diversionrã.

“Jaiporavo porãpa umi vyʼarã?” (Ñemañaha 15 de octubre de 2011)

Pe experiénsia héravape “Ndachaʼeivaʼekue che rapicha morotĩre”, ehecha mbaʼérepa peteĩ karai okambia vaʼerã kuri umi mbaʼe ojapóva ojediverti hag̃ua.

“Tuicha okambia chupekuéra la Biblia” (Ñemañaha Julio-Septiembre de 2010)

Ehecha mbaʼéichapa peteĩ ermána omboyke peteĩ pelíkula oreko rupi espiritísmo.

Ñamboyke umi diversión orekóva espiritísmo (2:02)