¿Ndépa reñeporandúmava koʼã mbaʼe? Oime vaʼerã katuete upéicha hína. Heta persóna ko múndo tuichakuére oikuaase avei koʼã mbaʼe. Péro, ¿ikatúne piko oñekontesta ñandéve koʼã porandu?

Heta persóna otopáma la rrespuésta la Bíbliape. Upépe ningo oñembohovái porãiterei umi mbaʼe jaikuaaséva. ¿Ndépa reikuaase avei mbaʼépa omboʼe la Biblia? Upéicharõ ikatu restudia gratiete umi testígo de Jehová ndive, haʼekuéra ovyʼáta ikatu haguére nepytyvõ.a

Oĩ ningo heʼíva naitiempoiha ostudia hag̃ua la Biblia, ijetuʼuetereiha ontende hag̃ua térã ndojagarraseiha kompromíso. Péro ehechamína avei mbaʼépa heʼi heta persóna oasepta vaʼekue peteĩ estúdio de la Biblia.

• “Che aha vaʼekue heta iglésia katólika ha protestántepe, avei peteĩ témplo síjpe, peteĩ monastério vudístape ha astudia teolohía pe universidápe. Péro lomímonte noñekontestapái chéve umi mbaʼe aikuaaséva. Upéi og̃uahẽ ógape peteĩ testígo de Jehová. Ahecharamoiterei oipuru haguére la Biblia okontesta hag̃ua chéve umi mbaʼe aikuaaséva, upévare aasepta astudia hendive la Biblia.” (Gill, Inglaterra.)

• “Oĩ vaʼekue heta mbaʼe chepyʼapýva, ha umi mbaʼe heʼíva chéve pe pastór che iglesiapegua nachekonvenséi vaʼekue. Péro peteĩ testígo de Jehová oipuru la Biblia okontesta hag̃ua chéve umi mbaʼe aikuaaséva, upéva si chekonvense. Ha oporandúrõ guare chéve ndastudiaséipa, pyaʼe voi aasepta.” (Koffi, Benín.)

• “Che aikuaasémi mbaʼépa oiko umi omano vaʼekuégui. Aimoʼã ikatuha ñandeperhudika hikuái, ha aikuaaseterei mbaʼépa heʼi la Biblia upe témare. Upémarõ añepyrũ astudia peteĩ che amígondi, haʼéva testígo de Jehová.” (José, Brasil.)

• “Añepyrũ vaʼekue alee la Biblia, péro nantendéi mbaʼevete. Peteĩ díape, umi testígo de Jehová og̃uahẽ che rógape ha oexplika porãiterei chéve heta profesía oĩva la Bíbliape. Upéva chembokuriósama voi ha aikuaase hetave mbaʼe la Bíbliagui.” (Dennize, México.)

• “Che aikuaasémi añetehápepa Ñandejára ojepyʼapy cherehe, upévare añemboʼe chupe. Al día sigiénte og̃uahẽ ógape umi testígo de Jehová ha añepyrũ astudia hendivekuéra la Biblia.” (Anju, Nepal.)

Koʼã komentário ohechauka porã siertoha Jesús heʼi vaʼekue: “Ovyʼa umi ohechakuaáva oikotevẽha Ñandejárare” (Mateo 5:3). Enterovénte voi ningo ñaikotevẽ Ñandejárare ha la Biblia ñanepytyvõ jaikuaa porãve hag̃ua chupe.

¿Mbaʼéichapa ojejapo peteĩ estúdio vívliko? ¿Mbaʼéichapa upéva ikatu nepytyvõ? Jahechamína koʼã mbaʼe pe ótro artíkulope.

Enterovénte ningo oikuaa umi testígo de Jehová opredikaha opárupi. Péro, ¿ndépa reikuaa haʼekuéra ombostudiaha avei la Biblia umi héntepe?

Áño 2014-pe, mas de 8 millón Testígo opredika 240 país ha territóriope, ha káda mes odirihi hikuái 9.500.000 estúdio vívlikorupi.a Upéva ningo hetaiterei, pórke oĩ voi 140 paísrupi ni ndohupytýiva upe kantida de avitánte.

Ikatu hag̃uáicha umi testígo de Jehová ojapo umi kúrso, oñeimprimi káda áño 1.500 millónrupi puvlikasión. Umíva apytépe Biblia, lívro, rrevísta ha folletokuéra. Ha koʼãva ojetradusíma haimete 700 idiómape. Upéicha rupi umi ostudiaséva la Biblia ikatu ojapo upéva iñidiomaitépe.

UMI MBAʼE OJEIKUAASÉVA PE KÚRSO DE LA BÍBLIAGUI

¿Mbaʼéichapa ojejapo peteĩ estúdio vívliko?

Upearã ningo oñeanalisa la Biblia por téma. Por ehémplo, jaikuaa porãve hag̃ua Ñandejárape, oñekontesta koʼã porandu: ¿Mávapa Ñandejára? ¿Mbaʼeichagua persónapa haʼe? ¿Mbaʼéichapa héra? ¿Moõpa oĩ? ¿Ikatu piko jaiko iñamígoramo? Pe kúrsope oñemboʼe umi estudiántepe mbaʼéichapa ikatu otopa umi rrespuésta la Bíbliape.

Ojejapo hag̃ua pe kúrso, ojepuru jepi peteĩ lívro orekóva 224 páhina, hérava Mbaʼépa añetehápe omboʼe la Biblia?b Ko lívro ojejapo ikatu hag̃uáicha umi hénte oikuaa umi mbaʼe iñimportantevéva oĩva la Bíbliape. Por ehémplo, oĩ kapítulo oñeʼẽva Ñandejárare, Jesucrístore, pe rresurreksión rehe, mbaʼérepa jasufri, mbaʼéichapa ñañemboʼe vaʼerã ha hetave mbaʼe.

¿Arakaʼe ha moõpa ojejapo pe estúdio?

Ndete ikatu redesidi arakaʼe ha moõpa restudiase.

¿Mboýpa odura káda estúdio?

Heta persóna odesidi ostudia una óra térã hetave káda semána. Péro nderehéma odepende, ndaikatumoʼãirõ restudia upe tiémpo, lomímonte ikatu restudia 10 térã 15 minúto.

¿Ojepaga vaʼerã piko álgo?

No. Pe estúdio ningo grátis ha natekotevẽi avei repaga pe Bíbliare ni umi puvlikasión reipurútavare. Jesús voi heʼi vaʼekue idisipulokuérape: “Reínte oñemeʼẽ kuri peẽme, ha reínte pemeʼẽ vaʼerã avei” (Mateo 10:8).

¿Mboýpa odura pe kúrso?

Nde ningo ikatu redesidi arakaʼe pevépa restudiase. Pe lívro Mbaʼépa añetehápe omboʼe la Biblia? oreko 19 kapítulo. Ha nde ikatu reiporavo umi téma ndegustavéva ha reanalisa umíva trankílo porãnte, reaprende porã peve.

¿Oikómante vaʼerãpa ndehegui testígo de Jehová?

No. Ore ningo rorrespeta pe derécho orekóva káda uno odesidívo mbaʼépa ogueroviáta. Péro restudiáramo la Biblia, upéva katuete nepytyvõta redesidi porã hag̃ua.

¿Moõpa ikatu retopave informasión?

Pe sítio de Internétpe, jw.org, rejuhúta heta informasión ohechauka porãva umi mbaʼe ojapóva ha ogueroviáva umi testígo de Jehová.

¿Mbaʼéichapa ikatu rejerure peteĩ estúdio?

• Remyenyhẽkuaa pe formulário oĩva ko direksión de Internétpe: www.jw.org/gug.

• Ikatu reskrivi peteĩ direksión oĩva ko rrevístape, páhina 2-pe.

• Ikatu rejerure peteĩ testígo de Jehová oikóvape nde reikoha gotyo.