PURAHÉI 36
Ñañatende porã ñane korasõre
Edisión imprésa
1. Ñañatende porã vaʼerã
pe ñane korasõ,
upévare odepende
ñande rekovemi.
Jepe ñanembotavyse
ani ñapermiti,
mbaʼe porãre ñapensa
ha jajeprotehe.
2. Ñane korasõite guive
ñañemboʼe vaʼerã.
Jaagradese opa mbaʼe,
ñamombaʼe chupe.
Vyʼápe ñakumpli vaʼerã
heʼíva Iñeʼẽ.
Ñañehaʼã memékena
ñambovyʼa chupe.
3. Ñañehaʼã ñamopotĩ
ñane korasõmi,
upearã tekotevẽ
la Biblia jalee.
Ñañehaʼãrõ ñandefiél
Jehová ñanderayhu.
Ñane korasõite guive
ñamombaʼe chupe.
(Ehecha avei Sal. 34:1; Filip. 4:8; 1 Ped. 3:4).