Peteĩ ehémplo mitã ha kakuaápe g̃uarã

Haʼe oĩ porã vaʼekue Jehová ndive ha oikove aja ojapo Ñandejára oipotáva. Upéicha, ‘oguatavaʼekue Ñandejára ndive’ ha upévare ohupyty heta mbaʼe porã. Ko kuimbaʼe heravaʼekue Noé, peteĩ ehémplo mitã ha kakuaápe g̃uarã (Gén. 6:9, NM). Pe vidéo Noé anduvo con Dios ñanepytyvõta jaikuaa hag̃ua mbaʼéichapa oikovaʼekue Noé, mbaʼépa ojapo Jehová ovendesi hag̃ua chupe, ha mbaʼéichapa ikatu jajapo haʼe ojapohaguéicha.

Pehecha rire pe vidéo, pehechami ikatúpa pekontesta koʼã porandu osẽva pe DVD-pe: 1) Mbaʼe ivaívapa ojaporakaʼe umi ánhel ha mávapa umi nefilím? (Gén. 6:1, 2, 4.) 2) Mbaʼérepa iñañamba umi hénte ha mbaʼépa opensa Ñandejára upévagui? (Gén. 6:4-6.) 3) Mbaʼépepa idiferentevaʼekue Noé? (Gén. 6:22.) 4) Mbaʼéichapa oñehundirakaʼe umi hénte aña? (Gén. 6:17.) 5) Mbaʼéichapa rakaʼe pe árka tuichakue? (Gén. 6:15.) 6) Mbaʼépa ojapo avei Noé ha mbaʼépa ojapo umi hénte? (Mat. 24:38, 39; 2 Ped. 2:5.) 7) Mboýpa oñemoinge pe árkape opaichagua mymbágui? (Gén. 7:2, 3, 8, 9.) 8) Mboy díapa oky ha mboy tiémpopa pe y ojahoʼipa ko Yvy? (Gén. 7:11, 12; 8:3, 4.) 9) Mbaʼérepa oikove Noé ha ifamília? (Gén. 6:18, 22; 7:5.) 10) Moõpa oho opyta pe árka? (Gén. 8:4.) 11) Mbaʼéichapa Noé oikuaa ikatumaha osẽ pe árkagui? (Gén. 8:6-12.) 12) Mbaʼépa ojapo Noé osẽre pe árkagui? (Gén. 8:20-22.) 13) Mbaʼépa orrepresenta pe árko íris? (Gén. 9:8-16.) 14) Mbaʼépa heʼise ‘jaguata Ñandejára ndive’? (Gén. 6:9, 22; 7:5, NM) 15) Mbaʼépa jajapovaʼerã jahecha hag̃ua Noépe pe Paraísope? (Mat. 28:19, 20; 1 Ped. 2:21.)

La Biblia heʼi Noé iñeʼẽrendu ha ojapohague opa mbaʼe Jehová heʼihagueichaite. Mbaʼéichapa ñanepytỹvo iñehémplo ‘jaguata hag̃ua Ñandejára ndive’ ha jaguerovia hag̃ua ikatuha osalva isiervokuéra koʼag̃aguápe? (Gén. 7:1; Pro. 10:16; Heb. 11:7; 2 Ped. 2:9.)