Umi mbaʼe jaikuaaséva

◼ Iporãpa ñañemoĩ ñavende umi ao térã ambue mbaʼe ojeporupyréva, térã jajapo oimeraẽ mbaʼe ñambyaty hag̃ua viru ñaipytyvõ hag̃ua kongregasiónpe?

Heta rrelihiónpe ojejapo jepi umi mbaʼe oñembyaty hag̃ua viru. Ojapo hikuái fiésta ha ovende tembiʼu térã ambue mbaʼe. Oĩramo jepe heʼíva upéva iporãha ojekuaágui maʼerãpa, haʼénte avei kolékta ha ñande testigos de Jehová ndajajapói umi mbaʼe jahupyty hag̃ua pe pláta oñekotevẽva.

Pe rrevísta Watch Tower (La Torre del Vigía) mokõiha osẽvaʼekue agosto 1879-pe oñemyesakã porã vaʼekue mbaʼérepa ndajajeruréi kolékta umi ótro rrelihión ojapoháicha: “‘Ore roguerovia JEHOVÁ oñangarekoha La Torre del Vigía de Sión’ rehe ha haʼe ojapo aja upéva ndorojeruremoʼãi yvyporakuérape orepytyvõ hag̃ua. Jehová heʼi ‘Chembaʼe hína pe pláta ha óro’, ha haʼe nomeʼẽvéi vove oréve pe viru oñekotevẽva, roikuaáta ndojejapoveimavaʼerãha ko kuatiañeʼẽ”.

Ñande jajapo Ñandejára Ñeʼẽ heʼiháicha. Ñandejára siérvo “omeʼẽvaʼerã ipyʼapýpe oñanduháicha, ombyasyʼỹre, oipota porãgui”. Ñandejára “ohayhu pe ipyʼaite guive omeʼẽvape” (2 Cor. 9:7). Salón del Réinope oĩ umi káha ñamoĩ hag̃ua ñane kontrivusión ñandegustahaichaite (2 Rey. 12:9). Umi kontrivusión ndojejeruréi, ha pe omeʼẽva nohaʼarõi oñemeʼẽ chupe mbaʼeve.