Japorohayhúramo ñasẽ porãta ñane predikasiónpe
1 “Peju che rendápe [. . .] ha che pomombytuʼúta.” (Mat. 11:28.) Ko mbaʼe porãite Jesús heʼivaʼekue ohechauka ñandéve mbaʼeichaitépa haʼe ñanderayhu. Ñande ñañehaʼã avei jajapo Jesús ojapohaguéicha, ha upévare jahayhu umi ñande rapicha ikueráivape oiko hague hénte ñañaita apytépe. Mbaʼéichapa ikatu jahechauka japorohayhuha ñamombeʼu jave pe marandu porã?
2 Ñane ñeʼẽre. Jesús ohayhúgui yvyporakuérape, oimehápe ha oimeraẽvape omombeʼuvaʼekue pe marandu porã (Juan 4:7-14). Jahayhúramo ñande rapichápe ndajakyhyjemoʼãi japredika hag̃ua chupekuéra oimehápe. Ohaʼarõ aja hína doktórpe, peteĩ mitãkuñaʼi orekóva seis áño opredika peteĩ kuñakarai ijykére oguapývape. Mbaʼépa omomýi chupe oñeʼẽ hag̃ua? Haʼe heʼi: “Haʼetévaicha chéve pe kuñakarai oikotevẽva oikuaa Jehovápe”
3 Jahechaukáta jajepyʼapy añeteha ñande rapicháre ñanderory ha japukavýramo chupekuéra. Avei jahechaukáta japorohayhuha ñahendukuaáramo pe heʼíva hikuái ha jahechakuaáramo mbaʼépa oipyʼapy chupekuéra (Pro. 15:23). Jesús ojapohaguéicha, kyreʼỹme ñañeʼẽvaʼerã Ñandejára goviérnore, ha jahechauka mbaʼeichaitépa Jehová ñanderayhu ha ñandeporiahuvereko (Mat. 24:14; Luc. 4:18).
4 Jajapóva rupive. Jesús ohechakuaavaʼekue mbaʼépa oñekotevẽ ha oporopytyvõ (Mat. 15:32). Ñande avei ñasẽ jave japredika ikatu jahecha umi ñande rapicha oikotevẽva ha ñaipytyvõ chupekuéra. Peteĩ ermána, ohechakuaa peteĩ kuñakarai oñeʼẽva teléfonope nontendeiha ojeʼéva chupe. Upémarõ haʼe oñekuaveʼẽ otradusi hag̃ua ha upéicha rupi ikatu opredika chupe. Pe ojapovaʼekue omomýi pe kuñakaraípe ostudia hag̃ua la Biblia. Peteĩ ermáno katu oporovisita jey jave hína ojuhu pe óga járape ipochyeterei, opaʼãgui chugui okẽme peteĩ sofa oguerovavahína. Pyʼaporãme haʼe oñemboja oipytyvõ chupe. Upéva omombaʼeterei pe karai ha upepete voi oguapy hikuái pe sofápe ha oñepyrũ ostudia.
5 Japredikáramo jahechaukañaína jahayhuha Jehovápe ha ñande rapichakuérape (Mat. 22:36-40). Jahechaukáramo ñane ñeʼẽre ha jajapóva rupive japorohayhuha, ñaipytyvõñaína umi ñande rapicha ipyʼaporãvape ohechakuaa hag̃ua ñamboʼeha pe añetegua.