Mbaʼéichapa ikatu jajeprepara ñaikuaveʼẽ hag̃ua ñande rrevísta

1. Mbaʼérepa iporãve japrepara ñaikuaveʼẽ hag̃ua ñande rrevísta jajaporangue oĩhaichaite Ñane Rembiapo Rréino Reheguápe?

¹ “Jajeprepara ñaikuaveʼẽ hag̃ua ñande rrevístapa? Maʼerã piko jajepreparáta osẽmbámaramo voi Ñane Rembiapo Rréino Reheguápe?, ikatu reñeporandu. Upéva añete, ha heta oĩ oiporu porãva umi presentasión. Péro upéva ndeʼiséi natekotevẽveimaha jajeprepara. Peteĩ territóriope ou porãramo pe jaʼéva, ikatu ndouporãi ótro territóriope. Upévare jaʼe natekotevẽiha jaiporu umi presentasión osẽhaichaite Ñane Rembiapo Rréino Reheguápe. Jaiporúramo jepe umi osẽva upépe, iporãvéta jaʼéramo ñandejeheguiete pe heʼiséva.

2. Mbaʼe mbaʼérepa ñapensavaʼerã jajeprepara jave ñaikuaveʼẽ hag̃ua ñande rrevísta?

² Jaiporavo pe rrevístagui mbaʼérepa ñañeʼẽta. Jalee rire ñande rrevísta, jaiporavovaʼerã peteĩ artíkulo ñandegustavéva ha ou porãtava ñande territóriope. Ojekuaáramo nderehe reguerovia porãha pe eréva ha kyreʼỹme reikuaveʼẽramo, pe óga jára ikatu oleese avei. Rejeprepara porãramo jepe peteĩ pártere, iporãvaʼerã reikuaa mbaʼérepa oñeʼẽ avei pe rrevísta umi ótro hendápe. Upéicha ikatúta rekambia pe óga járape ogustavéramo ótro téma.

3. Mbaʼéicha remoñepyrũramopa osẽ porãve jepi ndéve?

³ Mbaʼépa ikatu reporandu. Upe rire ikatúma reprepara porã mbaʼéichapa reñepyrũta. Pe eréva ñepyrũrã iñimportanteterei. Reporandukuaa pe óga járape peteĩ mbaʼe omopensátava chupe ha ojehechaukáva pe rrevístape. Rejapóramo upéicha ikatu oleese. Aníntekena reporandu umi mbaʼe ikatuʼỹvaʼerãichagua ombohovái térã umi ikatútava ombopochy chupekuéra.

4. Mbaʼérepa iñimportánte jalee pe óga járape peteĩ téysto vívliko ikatúma guive?

⁴ Jalee peteĩ téysto Ñandejára Ñeʼẽgui. Upe rire reiporavovaʼerã peteĩ téysto relee hag̃ua pe óga járape, ikatúma guive. Reiporavokuaa peteĩ oĩva pe rrevístape. Jaleéramo peteĩ téysto, jahechauka pe marandu ñameʼẽva osẽha Ñandejára Ñeʼẽgui (1 Tes. 2:13). Avei, ñamboʼemañaína chupekuéra Ñandejáragui, ndohejáiramo jepe ñande rrevísta. Oĩ umi puvlikadór olee raẽva peteĩ téysto oporomopensáva, oporandu mboyve mbaʼeve pe óga járape. Olee hag̃ua peteĩ téysto, oĩ heʼíva: “Aleesemi ndéve ko téysto oĩva Ñandejára Ñeʼẽme ha ikatúramo aikuaasemi mbaʼépa repensa hese”. Upe rire ohechauka pe rrevístape moõpa oñeʼẽve upe téma rehe, ohesaʼỹijo michĩmi pe óga jára oikuaaseve hag̃uáicha, ha upéi oikuaveʼẽ chupe.

5. Mbaʼe mbaʼe rehépa ñanemanduʼavaʼerã jajeprepara jave ñaikuaveʼẽ hag̃ua ñande rrevísta?

⁵ Heta hendáicha ikatu ñaikuaveʼẽ ñande rrevísta. Iporãve jepi ñañeʼẽramo mbykymínte ha oñentende porã hag̃uáicha. Eñeʼẽ reñeñandu porãveháicha, ha osẽ porãveháicha ndéve. Aníkena nderesarái iñimportantetereiha ñande rrevistakuéra ha kyreʼỹme reikuaveʼẽvaʼerã. Rejeprepara porãramo, resẽ porãta ha remohendáta La Atalaya ha ¡Despertad!, ikatu hag̃uáicha “umi ohupytyvaʼerã guive pe tekove tapia g̃uarã” oaprende chuguikuéra (Hech. 13:48, BNP).

Mbaʼéichapa ikatu ñaikuaveʼẽ ñande rrevísta

Ñemañaha 15 de noviembre

“Heta mbaʼe vai ojejapo ko múndope. Upévare oĩ oñeporandúva maʼerãpa ñañehaʼãvéta jajapo pe iporãva. Reñeñandúmavapa sapyʼánte upéicha? [Ehaʼarõ tokontesta.] Emañamíntena mbaʼéichapa ñanemokyreʼỹ ko heʼíva koʼápe [elee Proverbios 2:21, 22]. Ko rrevístape oñemyesakã porã mbaʼérepa iñimportánte jajapo pe iporãva.”

¡Despertad! Noviembre

“Heta oĩ opensáva opa mbaʼe oikoha Ñandejára oipotáguinte. Upévare oimeraẽ mbaʼe vai oiko ha ojeʼéma, ‘mbaʼéiko jaʼéta, Ñandejárama niko oipota péicha’. Ndépa mbaʼe repensa? [Eheja tokontesta ha upéi elee Santiago 1:13.] Ko rrevístape oñemyesakã porã mbaʼérepa jahasa asyete ha avei omombeʼu mbaʼépa ojapotahína Ñandejára oipeʼa hag̃ua umi mbaʼe”.

Ñemañaha 1 de diciembre

“Ndépa ere oñekumpliha koʼág̃a ko profesía oĩva koʼápe? [Elee Mateo 24:11 ha ehaʼarõ tokontesta.] Ko rrevísta ohesaʼỹijo heta mbaʼe oñemboʼéva koʼág̃a rupi. Ohechauka avei mbaʼépa ikatu jajapo ani hag̃ua avave ñanembotavy.”

¡Despertad! Diciembre

“Mbaʼépa nde ere, mávapa pe kuimbaʼe iñimportantevéva oĩvaʼekue ko Yvy ape ári? [Ehaʼarõ tokontesta.] Heta oĩ heʼíva Jesucristoha. Emañamíntena koʼápe mbaʼépa haʼe ojapotahína yvyporakuérape g̃uarã oisãmbyhy vove ko Yvy [ehechauka umi taʼanga oĩva páhina 8 ha 9-pe. Elee peteĩ téysto umi upépe oĩvagui]. Ko rrevístape oñemyesakã porã arakaʼépa ha mbaʼéichapa ojapóta haʼe koʼã mbaʼe.”