Ñañehaʼãkena jastudia la Biblia ñande rapicha ndive
1 Jesús heʼivaʼekue hemimboʼekuérape: “Pemaʼẽ umi kokuére ha pehecháta kogaʼa otyarõmbamaha oñemonoʼõ hag̃ua” (Juan 4:35). Koʼápe heʼíva ohechauka koʼag̃agua kristianokuéra hetaha hembiaporã.
2 Káda áño ningo heta oĩ ojevautisáva. Upévare jahechakuaa oĩha gueteri heta ipyʼaporãva ha oikuaaséva mbaʼépa Jehová rembipota. Upéicharõ, mbaʼépa ikatu jajapo añetehápe ñamboʼeséramo ñande rapichápe la Biblia heʼíva?
3 Ñañehaʼãkena. Ñande ningo jahecha raẽ vaʼerã añetehápepa ñamboʼese ñande rapichápe la Biblia. Ha oiméramo upéicha, ñanemanduʼavaʼerã upévare ñasẽ jave japredika. Añetehápe ningo enterove ñañehaʼãvaʼerã ñasẽve predikasiónpe, ha avei jastudia ñande rapicha ndive la Biblia. Jajapóta upéicha jaikuaágui japredikavaʼerãha, ha ñaporomboʼevaʼerãha avei (Mat. 24:14; 28:19, 20).
4 Mbaʼépa jajapovaʼerã avei. Ñañemboʼevaʼerã ñande pyʼaite guive. Sapyʼánte ningo jatopa umi ñande rapicha ojerurevaʼekue oikóvo Ñandejárape oipytyvõmi hag̃ua chupekuéra. Ha ñañemboʼéramo Jehovápe, haʼe ñanepytyvõta jatopa ha ñamboʼe hag̃ua upeichagua ñande rapichápe (Ageo 2:7; Hech. 10:1, 2).
5 Peteĩ ermána oñemboʼe Jehovápe omboʼeségui la Biblia peteĩ hapichápe jepe. Upévare, itravahohápe omoĩ ojehecha hag̃uáme heta tratádo Reikuaasevépa la Biblia heʼíva? Upéi peteĩ kuñakarai ojagarra peteĩ tratádo, olee ha omyenyhẽ pe kupón. Upépe pe ermána oñemboja oñemongeta hendive ha omoñepyrũ peteĩ estúdio.
6 Umi ermáno ikatupyrýva omoñepyrũ ha ojapo hag̃ua estúdio, ikatu ñanepytyvõ ñamboʼe hag̃ua avei ñande rapichápe la Biblia. Ñañemboʼe meme vaʼerã jaheka aja peteĩ ostudiaséva la Biblia ha jaiporuvaʼerã opa mbaʼe oñemoĩva ñandéve jajapo hag̃ua upéva. Ag̃aiténtema ñande avei ñamboʼetañaína la Biblia peteĩ ñande rapichápe.