Ñandejára ñaneinvita jaiko hag̃ua iñamígo ramo

Ñandejára ñandepota iñamigorã. Ndépa reikuaa ikatuha reguereko ne amígo ramo pe Persona tuichavéva ko univérsope? Abrahánpe, oikovaʼekue yma, oñehenói Ñandejára amigo (Santiago 2:23). La Biblia oñeʼẽ ambue kuimbaʼe ha kuñágui oguerekovaʼekue avei Ñandejára amistad ha ohupytyvaʼekue tuicha bendición. Koʼág̃a rupi, heta tapicha oĩva opárupi oguereko Ñandejára amistad. Nde avei ikatu reguereko.

Ñandejára amistad iporãve oimeraẽ yvypóra amistádgui. Ñandejára arakaʼeve ndohejareíri iñamigokuérape (Salmo 18:25). Ñandejára amistad iporãve heta pirapirégui. Umi iviru hetáva omano vove, pe pirapire oguerekóva opytapa ambue tapichakuérape. Upevére, ohupytýva Ñandejára amistad oguereko peteĩ tesoro ikatuʼỹva avave oipeʼa chugui (Mateo 6:19).

Ikatu oĩ ndoipotáiva reikuaave rehóvo pe Ñandejára omboʼévagui. Umíva apytépe ikatu oĩ ne amigokuéra ha nde rogaygua (Mateo 10:36, 37). Oĩramo opukáva nderehe térã nemongyhyjeséva, ikatu reñeporandu: “Mávapepa ambovyʼase, yvypórape térãpa Ñandejárape?”. Epensami ko mbaʼére: ojeʼéramo ndéve anive hag̃ua rekaru, rejapónepa upéva? Katuete nderejapomoʼãi. Jaikove hag̃ua jakaruvaʼerã. Upéicha avei, Ñandejára omeʼẽkuaa ndéve jeikove opaʼỹva. Upévare, eikuaavéke rehóvo mbaʼéicha ikatu oiko ndehegui Ñandejára amigo, ha ani reheja avave ndejoko (Juan 17:3).