Enero guive jastudiáta pe folléto ¡Notísia porã oúva Ñandejáragui!

1. ¿Mbaʼe puvlikasiónpa jastudiáta semána 6 de enero guive?

¹ Ñande aty guasu tres diaguápe, hérava “Ñañangarekókena ñande pyʼapýre”, oñepresenta kuri pe folléto ¡Notísia porã oúva Ñandejáragui! Ko puvlikasión ñanepytyvõ ñamoñepyrũ ha jajapo hag̃ua estúdio vívliko. Ñamombeʼu jave umi héntepe umi notísia porã oĩva la Bíbliape, haʼekuéra oaprendeseve ha oikose Jehová amígoramo (Hch. 15:35). Upévare, ág̃a semána 6 de enero 2014 guive jastudiáta ko folléto kongregasiónpe, ikatu hag̃uáicha jaikuaa umi mbaʼe oĩva pype ha ñaipytyvõ porãve umi héntepe.

2. ¿Mbaʼéichapa ojestudiáta ko folléto?

² Mbaʼéichapa ojestudiáta. Ko folléto oguereko quince leksión ha káda título haʼe peteĩ porandu. Avei, káda leksiónpe oñemoĩ létra hũvévape tres térã cinco porandu ha oñembohovái umi párrafo oĩvape iguýpe. Pe omoakãva pe estúdio, ñepyrũrã omombeʼu vaʼerã mbykymi mbaʼépa oñeaprendéta káda leksióngui. Upéi, ojeleepa rire umi párrafo oĩva peteĩ porandu guýpe, pe omoakãva oleéta pe pregúnta oĩva létra hũvévape. Umi ermáno ombohovái hag̃ua pe porandu ikatu oiporu umi mbaʼe heʼíva pe párrafo térã umi téxto vívliko oĩva upe seksiónpe. Ha oĩramo tiémpo ojeleepa vaʼerã umi téxto orekóva ijykére “Elee”.

3. ¿Mbaʼéichapa jajeprepara vaʼerã ikatu hag̃uáicha ideprovécho ñandéve ko estúdio?

³ Mbaʼépa jajapo vaʼerã ideprovécho hag̃ua ñandéve ko estúdio. Umi pregúnta ndahaʼéi oñembohováiva umi párrafope añónte, síno avei umi téxto vívliko rupive. Ñanemanduʼa vaʼerã avei pe konduktór ndojapomoʼãiha heta porandu ha ndoikomoʼãiha omyesakã umi téxto vívliko. Upévare jajepreparávo ñañemotiémpo vaʼerã jaleepaite hag̃ua umi téxto, ha jajepyʼamongeta hese jahecha hag̃ua mbaʼéichapa umíva ikatu ñanepytyvõ ñambohovái hag̃ua umi porandu. Péicha jajeprepara porãramo ñanepytyvõta oiko hag̃ua ñandehegui mboʼehára ikatupyrýva, ha ñamog̃uahẽta hekoitépe umi notísia porã oúva Ñandejáragui ñande rapichakuérape (2 Tim. 2:15).