“Akóinte penderekoporã vaʼerã umi hénte ko mundopegua apytépe”

1. ¿Mbaʼérepa iñimportánte jajeporta hekoitépe jaha jave umi asambléa de distrítope térã internasionálpe?

¹ Káda áño ojejapo jave pe asambléa de distríto umi hénte ojesareko umi mbaʼe jajapóvare, upévare tekotevẽ jajeporta hekoitépe pono oñeñeʼẽ vai Ñandejárare (Lev. 20:26). Avei iñimportánte japorotrata porã ha ñañemonde hekópe, ikatu hag̃uáicha umi hénte ohechakuaa ñande haʼeha Jesús disípulo. Jaha jave umi asambléa de distrítope térã internasionálpe jahechaukase ñamombaʼeguasuha Jehovápe, upévare iñimportánte ‘ñanderekoporã umi hénte ko mundopegua apytépe’, ¿mbaʼéichapa jajapokuaa upéva? (1 Ped. 2:12.)

2. ¿Mbaʼéicha javépa ikatu jahechauka ñande haʼeha kristiáno tee?

² Jahechaukákena ñande haʼeha kristiáno tee. Ko múndope umi hénte ojotrata vai ha noponderái ojuehe, ñande kristiáno katu jahechauka jajoayhuha ha jatrata porã opavavépe, ndahaʼéiramo jepe ñane ermáno (Col. 3:10; 4:5; 2 Tim. 3:1-5). Upévare iñimportánte ñanembaʼeporã ha ñanepasiénsia umi ombaʼapóvare otél ha rrestaurántepe, noñeñatendéiramo jepe ñanderehe ñahaʼarõháicha. Iporãta avei ñamopropinaʼimi chupekuéra ñandeservi haguére.

3. ¿Mbaʼépa ojapo vaʼerã tuvakuéra ha mbaʼérepa?

³ Tuvakuéra oñatende vaʼerã ifamíliare oĩ aja pe asambléape térã oho jave rrestauránte ha otélpe (Prov. 29:15). Peteĩ kuñakarai ombaʼapóva de herénte peteĩ otélpe heʼi peteĩ ermáno ha hembirekópe: “Peẽ Testígo ningo pendekalidaiterei, pene família opororrespeta ha ijedukádo. Umi ombaʼapóva guive ko otélpe oñeʼẽ porã penderehe, ha hiʼã voi oréve peju káda fin de semána mbaʼe”.

4. ¿Mbaʼérepa ñañatende vaʼerã ñañemonde lájare ñaime aja pe siuda ojejapohápe pe aty guasu?

⁴ Ñañemonde vaʼerã hekopete. Jaháta vove asambleahápe ñañemonde vaʼerã hekópe ha ani jaiporu umi ao mbyky, hesakã ha ñandejopýva, ojapoháicha umi hénte ko mundopegua (1 Tim. 2:9). Ñañemonde porã vaʼerã avei nañaiméiramo jepe pe lugár de asambléape, por ehémplo jaháta jave jaheka ñande kotyrã peteĩ otélpe térã ñasẽta jave upégui. Péicha jajapóramo nañatĩmoʼãi jareko hag̃ua pe tarhéta de solápa ha japredika hag̃ua umi héntepe otokáramo ñandéve pe oportunida. Ñanderekoporã ha jajeportáramo hekoitépe pe asambléa de distríto térã internasionálpe, ñaipytyvõta umi hénte ipyʼaporãvape ohenduse hag̃ua pe marandu porã, ha iñimportantevéva katu ñambovyʼáta Jehovápe (Sof. 3:17).