Eñembokatupyryvékena: embohováikena hekoitépe umi ijarhélvape ndéve

Mbaʼérepa iñimportánte. Ñasẽ jave predikasiónpe, pyʼỹinte jajuhu umi hénte ijedukádovare ha oñeʼẽ porãnteva ñanendive. Upéicharõ jepe, Jesús heʼi vaʼekue oĩtaha ndaijaʼéiva ñanderehe (Juan 17:14). Upévare, nañanesorprendéi vaʼerã peteĩ ogajára osẽramo ijarhél ñandéve. Péicha oiko jave, ndovaléi ñanderesarái ñande ñarrepresentaha Jehovápe, ha ñambovyʼa hag̃ua chupe ñambohovái porãnte vaʼerã pe persónape (Rom. 12:17-21; 1 Ped. 3:15). Ndajajapóiramo upéicha ikatu pe ogajára ipochyverei ha ñasẽ ivaivévape. Péro ñambohováiramo hekoitépe, japyta porãta pe ogajárandi ha umi hénte ohechávandi pe oikóva, ha ikatu ótro viáhepe ñanderresivíma hikuái (2 Cor. 6:3).