Ñanderekopotĩ ha japororrespetáramo ikatu japoko ótro korasõre

Peteĩ ermána ikondúkta porã rupi ikatu hína oipytyvõ iménape oasepta hag̃ua pe añetegua, péro upéva oiko hag̃ua ikatu hína ohasa heta áño (1Pe 2:21-23; 3:1, 2). Oiméramo hetáma rehasa asy ne ména térã ne rembireko ndahaʼéiva testígo oñemoĩ haguére nderehe, esegíkena ejapo iporãva ha péicha ndepuʼakáta umi mbaʼe vaíre (Ro 12:21). Ne ehémplo ikatu hína opokove hese umi mbaʼe erévagui.

Eñehaʼã eñemoĩ ne rembiayhu lugárpe (Flp 2:3, 4). Ehechauka vaʼerã entendeha chupe, nembaʼeporã vaʼerã ha eñehaʼã ekumplipaite umi rresponsavilida erekóva. Ehendukuaa vaʼerã avei (Snt 1:19). Nepasiénsia vaʼerã ha ehechauka ehayhuha chupe. Jepénte nomombaʼéi umi mbaʼe rejapóva rehayhu ha rerrespetágui chupe, ani reduda Jehová omombaʼetereiha upéva (1Pe 2:19, 20).

EHECHA PE VIDÉO JEHOVÁ ÑANEPYTYVÕ JARAHA HAG̃UA ÑANDE KÁRGA POHÝI, UPÉI ERRESPONDE KOʼÃ PORANDU:

• ¿Mbaʼe mbaʼépa ohasa vaʼekue Grace Li omenda ramóme?

• ¿Mbaʼéicha rupípa oñepyrũ ostudia la Biblia?

• ¿Mbaʼépa oipytyvõ chupe oaguanta hag̃ua umi mbaʼe ohasáva ojevautisa rire?

• ¿Mbaʼépa ojerure Jehovápe ojapo hag̃ua iménare?

• ¿Mbaʼépa ohupyty ermána Grace Li hekopotĩ ha orrespeta rupi iménape?