Mbaʼéichapa umi omendáva ikatu omombareteve imatrimónio

Abrahán ha Sara ojoayhu ha ojorrespeta vaʼekue (Gé 12:11-13; 1Pe 3:6). Péro imatrimoniokuéra ndahaʼéi vaʼekue perfékto, síno iprovléma vaʼekue avei hikuái. ¿Mbaʼépa ikatu oaprende umi omendáva pe ehémplo oheja vaʼekuégui Abrahán ha Sara?

Umi omendáva oñemongeta meme vaʼerã oñondive. Ne rembiayhu ipochy térã oñeñandu vai ha iñeʼẽ pohýiramo ndéve, ani erresponde vai chupe, síno eñehaʼã entende chupe (Gé 16:5, 6). Pehasa vaʼerã tiémpo oñondive. Umi mbaʼe peje ha pejapóvare pehechauka vaʼerã ojupe pejoayhuha. Ha la iñimportantevéva, siémpre pereko vaʼerã enkuénta Jehovápe pene matrimóniope: pestudia, peñemboʼe ha peservi Jehovápe oñondive (Ec 4:12). Umi matrimónio ojogueraha porãva omombaʼeguasu Jehovápe, upe omoñepyrũ vaʼekuépe pe matrimónio.

EHECHA PE VIDÉO MBAʼÉICHAPA UMI OMENDÁVA IKATU OMOMBARETE IMATRIMÓNIO, UPÉI ERRESPONDE KOʼÃ PORANDU:

• ¿Mbaʼéichapa ojekuaa Shaan ha Alisha oñemomombyrýma hague ohóvo ojuehegui?

• ¿Mbaʼérepa iñimportánte umi omendáva omombeʼupaite ojupe la oñandúva?

• ¿Mbaʼéichapa oipytyvõ Shaan ha Alíshape Abrahán ha Sara ehémplo?

• ¿Mbaʼépa ojapo Shaan ha Alisha omombarete jey hag̃ua imatrimónio?

• ¿Mbaʼérepa umi omendáva nopensái vaʼerã naiprovlemamoʼãiha imatrimóniope?