TESÓRO OĨVA ÑANDEJÁRA ÑEʼẼME | GÉNESIS 31

Jacob ha Labán ojapo peteĩ kompromíso oikotaha pyʼaguapýpe

¿Maʼerãpa Jacob ha Labán omoĩ heta ita ojoʼári?

Ikatu hag̃uáicha entéro ohasáva ohecha ha imanduʼa haʼekuéra ojapo hague peteĩ kompromíso oikotaha pyʼaguapýpe.
Omomanduʼa hag̃ua chupekuéra Jehová omañaha ohecha hag̃ua okumplipa hikuái ikompromíso.

Fotokuéra: 1. Salón del Réinope mokõi ermána ipochy ha omaña vai ojuehe. Pe fóndope ojekuaa umi ermanokuéra opuka joa ha oñemongetaha hína. 2. Umi mokõi ermána oiko vai vaʼekue koʼág̃a oguapýma oñondive hoʼu kafe ha ovyʼa oñondive. Pe mesa ári oĩ peteĩ rregalíto ha peteĩ Biblia

Koʼág̃a avei Jehová oipota jaiko pyʼaguapýpe ñane ermáno ha ermanakuérandi. ¿Mbaʼéichapa koʼã mbohapy mbaʼe ñanepytyvõta jaiko porã hag̃ua hendivekuéra térã ñasolusiona hag̃ua peteĩ provléma?

Ñañemongeta porã la oiko vaʼekuére (Mt 5:23, 24).
Ñaperdona ñande pyʼaite guive (Col 3:13).
Ñanepasiénsia (Ro 12:21).