¿Mbaʼépa ikatu ñaaprende umi ermáno ijedávagui?

Katuete ñane kongregasiónpe oĩ ermáno oservímava Jehovápe heta tiémpore. Haʼekuéra ningo okonfiaiterei Jehováre ha ñande ikatu ñaaprende chuguikuéra. Ikatu jajerure chupekuéra tomombeʼu ñandéve mbaʼéichapa vaʼekue yma Jehová organisasión, ha mbaʼéichapa Jehová oipytyvõ chupekuéra oaguanta hag̃ua umi mbaʼe ijetuʼúva. Ikatu voi ñainvita peteĩva koʼã ermánope ñande estúdio de famíliape, ikatu hag̃uáicha omombeʼu ñandéve umi mbaʼe ohasa vaʼekue.

Oimérõ nde reservíma Jehovápe heta áñore, emombeʼúkena umi imitãvévape umi mbaʼe rehasámava. Jacob ha José omombeʼu vaʼekue ifamiliarépe umi mbaʼe Jehová ojapóva hesehapekuéra (Gé 48:21, 22; 50:24, 25). Tiémpo rire, Jehová ojerure umi tuakuérape omboʼe hag̃ua ifamiliakuérape umi mbaʼe porã haʼe ojapo vaʼekue (Dt 4:9, 10; Sl 78:4-7). Ñane tiémpope, tuakuéra ha umi ótro kristiáno ikatu omombeʼu umi imitãvévape umi mbaʼe porãite Jehová ojapómava iñorganisasión rupive.

EHECHA PE VIDÉO ÑANEUNÍDO JAJEPERSEGÍRAMO JEPE, HA UPÉI ERRESPONDE KOʼÃ PORANDU:

• ¿Mbaʼéichapa pe sukursál de Austria oipytyvõ umi ermáno oikóvape umi país ojeproivihápe ñande óvra?

• ¿Mbaʼépa ojapo umi ermáno osegi hag̃ua ojerovia mbarete?

• ¿Mbaʼérepa heta puvlikadór Rumaniagua ojesepara Jehová organisasióngui, ha mbaʼérepa ou jey hikuái?

• ¿Mbaʼéichapa umi ermáno experiénsia ñanepytyvõ jajeroviave hag̃ua?