Mbaʼépa rejapo vaʼerã ideprovécho hag̃ua ndéve koʼã leksión bíblica
Estudia peteĩ testígo de Jehovándi: ikatu rejerure pe omeʼẽ vaʼekuépe ndéve ko folléto tostudia nendive, térã emyenyhẽ pe formulário oĩva ore sítio de Internétpe: jw.org.
OÑEPYRŨVO
Elee káda párrafo, umi pregúnta oĩva káda párrafo mboyve (A) ha avei umi téxto bíblico (B) ohechaukáva pe idéa iñimportantevéva. Ha koʼýte umi heʼíva hese “elee”.
OĨVA MBYTÉPE
Heʼihápe Ejepyʼamongetamína oexplikaʼimi mbaʼépa oñeanalisáta (C). Umi subtítulo ohechauka mbaʼépa umi idéa iñimportantevéva (D). Elee umi téxto, erresponde umi porandu ha ehecha umi vidéo (E).
Eanalisa porã umi taʼanga ha umi komentário orekóva (F), ha epensa mbaʼéichapa ikatu ekontesta umi porandu oĩva pe párte heʼihápe Oĩramo heʼíva (G).
OPAKUÉVO
Káda leksión opakuetévo oreko peteĩ Rresúmen ha Rrepáso (H), ha avei peteĩ párte rekompleta hag̃ua arakaʼépa restudiapa raʼe pe leksión. Pe párte heʼihápe Méta (I) retopáta peteĩ mbaʼe ikatúva rejapo. Ha heʼihápe Einvestiga hag̃ua (J) oĩ hetave informasión ikatúva ndete relee térã rehecha.
Mbaʼéichapa ikatu retopa umi téxto nde Bíbliape
Umi téxtope oñemoĩ primero pe lívro réra (A), upéi pe kapítulo (B), ha upe rire umi versíkulo (C). Por ehémplo, Juan 17:3 heʼise reheka vaʼerãha pe lívro de Juan, kapítulo 17, versíkulo 3.